തിരുവനന്തപുരം: ലോകത്തെ അത്ഭുതപ്പെടുത്തുന്ന നേട്ടമാണ് 100 കോടി ഡോസ് കൊവിഡ് വാക്സിന് വിതരണത്തിലൂടെ ഇന്ത്യ കൈവരിച്ചതെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ലോകാരോഗ്യസംഘടന ഇന്ത്യയെ അഭിനന്ദിച്ച് രംഗത്ത് വന്നത് രാജ്യത്തെ ഓരോ പൗരനും അഭിമാനാര്ഹമാണെന്നും അദേഹം തിരുവനന്തപുരത്ത് പറഞ്ഞു.
100 കോടി വാക്സിന് ഡോസ് നേട്ടത്തിന് ആദരസൂചകമായി ആരോഗ്യ പ്രവര്ത്തകരെ ബിജെപി സംസ്ഥാന ഘടകം ആദരിച്ചു. തിരുവനന്തപുരം ആറ്റുകാല് ദേവി ആശുപത്രിയില് എത്തി സംസ്ഥാന അധ്യക്ഷന് കെ. സുരേന്ദ്രന് ആരോഗ്യ പ്രവര്ത്തകരെ പൊന്നാടയണിയിച്ച് ആദരിച്ചു.
പല രാജ്യങ്ങളും കൊവിഡിന് മുന്നില് പതറിയപ്പോള് പ്രധാനമന്ത്രി നരേന്ദ്രമോദി മുന്നില് നിന്നും നയിച്ചതാണ് ഇന്ത്യയുടെ നേട്ടതിന് കാരണമായതെന്ന് സുരേന്ദ്രന് ചൂണ്ടിക്കാട്ടി. രാജ്യത്തെ ആരോഗ്യപ്രവര്ത്തകരും സംസ്ഥാന സര്ക്കാരുകളും സേനകളും സന്നദ്ധസംഘടനകളും കേന്ദ്രസര്ക്കാരിന് മികച്ച പിന്തുണ നല്കി. ഒമ്പത് മാസം കൊണ്ട് രാജ്യത്തിന് 100 കോടി ഡോസ് വാക്സിന് വിതരണം ചെയ്യാന് സാധിച്ചത് ഒറ്റക്കെട്ടായ പ്രവര്ത്തനത്തിന്റെ ഫലമായാണന്നും അദ്ദേഹം പറഞ്ഞു.
