ന്യൂദല്ഹി: ഇന്ത്യ ചൈന അതിര്ത്തിയില് ചൈനീസ് സൈന്യം പ്രകോപനം സൃഷ്ടിക്കുന്ന സാഹചര്യത്തില് സ്വരം കടുപ്പിച്ച് ഇന്ത്യന് സൈന്യം. ചൈനീസ് അതിര്ത്തിയില് ഒരിഞ്ച്പോലും വിട്ടു വീഴ്ചയ്ക്കില്ലെന്ന് കരസേനാ മേധാവി എംഎം നരവനെ വ്യക്തമാക്കി. ചൈനീസ് സൈന്യം നിയന്ത്രണ രേഖയില് തുരുന്നിടത്തോളം ഇന്ത്യന് സൈന്യവും അവിടെ തുടരുമെന്നും അദേഹം പ്രതികരിച്ചു.
13മത് ഇന്ത്യാ ചൈന കമാന്ഡര്തല ചര്ച്ച ഇന്ന് നടക്കാനിരിക്കെയാണ് ചൈനയ്ക്ക് കടുത്തഭാഷയില് ഇന്ത്യന് സൈന്യം മുന്നറിയിപ്പ് നല്കിയിരിക്കുന്നത്. പിപി 15 പോയിന്റില് ഇരു സൈനികരും മുഖാമുഖം വന്നിരുന്നു.
ഇന്ന് നടക്കുന്ന ചര്ച്ചയില് പിപി 15 പോയിന്റിലെ പിന്മാറ്റത്തെ കുറിച്ച് ചര്ച്ചചെയ്യുമെന്നാണ് ലഭിക്കുന്ന വിവരം. ഇന്ത്യയെ പ്രതിനിധീകരിച്ച് ലഫ്നന്റ് ജനറല് പിജികെ മേനോനായിരിക്കും പങ്കെടുക്കുക. ഇതിന് മുമ്പ് ജൂലൈ 31 നാണ് ഇന്ത്യ ചൈന കമാന്ഡര് തല ചര്ച്ച നടന്നത്.
