തിരുവനന്തപുരം: ഉന്നത പൊലീസ് ഉദ്യോഗസ്ഥര് അനാവശ്യ പരിപാടികളില് പങ്കെടുക്കരുതെന്ന് മുഖ്യമന്ത്രി പിണറായി വിജയന്. പൊലീസ് ഉദ്യോഗസ്ഥര് കൂടുതല് സൂക്ഷ്മത പുലര്ത്തണം, പ്രത്യേകിച്ചും യൂണിഫോമിലായിരിക്കുമ്പോള് ജാഗ്രത പാലിക്കണമെന്ന് മുഖ്യമന്ത്രി നിര്ദ്ദേശിച്ചു. ലോക്ഡൗണ് കാലത്തെ ആക്ഷേപങ്ങള് ചൂണ്ടിക്കാട്ടിയാണ് ഇക്കാര്യം വ്യക്തമാക്കിയത്.
പൊലീസുകാര്ക്ക് മാനസിക സമ്മര്ദ്ദം ഉണ്ടാകാതിരിക്കാന് ഉന്നത ഉദ്യോഗസ്ഥര് ശ്രദ്ധിക്കണമെന്ന് പൊലീസ് ഉദ്യോഗസ്ഥരുടെ യോഗത്തില് മുഖ്യമന്ത്രി പറഞ്ഞു. എസ്എച്ച്ഒ മുതല് ഡിജിപിമാര് വരെ യോഗത്തില് പങ്കെടുത്തു. സ്ത്രീധന പീഡന പരാതികളില് കര്ശന നടപടി വേണമെന്നും കേസുകള് ഡിഐജിമാര് നിരീക്ഷിക്കണം.
പൊലീസ് ഉദ്യോഗസ്ഥര് മോശപ്പെട്ട പ്രവര്ത്തനത്തില് ചെന്ന് വീഴരുത്. പരാതികള്ക്ക് കൃത്യമായി രസീത് നല്കണം, പൊതുജനങ്ങളോടുള്ള പൊലീസിന്റെ പെരുമാറ്റം മെച്ചപ്പെടുത്തണം. പൊലീസുകാര്ക്ക് മാനസിക സമ്മര്ദ്ദം ഉണ്ടാകാതിരിക്കാന് ഉന്നത ഉദ്യോഗസ്ഥര് ശ്രദ്ധിക്കണമെന്നും മുഖ്യമന്ത്രി നിര്ദ്ദേശിച്ചു.
