ആലപ്പുഴ : ആലപ്പുഴയില് ആരോഗ്യപ്രവര്ത്തകയെ തട്ടിക്കൊണ്ടുപോകാന് ശ്രമിച്ച കേസിലെ പ്രതികള് പിടിയില്. കടയ്ക്കാവൂര് സ്വദേശി റോക്കി റോയ്, കഠിനംകുളം സ്വദേശി നിശാന്ത് എന്നിവരാണ് പിടിയിലായത്. സംഭവം നടന്ന് ഒരാഴ്ചക്ക് ശേഷം കൊല്ലത്ത് നിന്നാണ് പ്രതികളെ പൊലീസ് പിടികൂടിയത്.
സ്ഥിരം മാല മോഷണ കേസുകളിലെ പ്രതികളാണ് ഇരുവരുമെന്ന് പോലീസ് പറഞ്ഞു. കോവിഡ് ഡ്യൂട്ടി കഴിഞ്ഞുമടങ്ങിയ ആരോഗ്യപ്രവര്ത്തകയെ ഇരുവരും ചേര്ന്ന് തട്ടിക്കൊണ്ട് പോകാന് ശ്രമിക്കുകയായിരുന്നു. യുവതിയെ അടിച്ചുവീഴ്ത്തിയതിന് പിന്നാലെ സ്വര്ണ്ണാഭരണങ്ങള് കവരാനായിരുന്നു ശ്രമം. പിന്നാലെ തട്ടിക്കൊണ്ട് പോകാനും ശ്രമം നടന്നു.
എന്നാല് സംഭവ സ്ഥലത്ത് അപ്പോള് തൃക്കുന്നപ്പുഴ പോലീസിന്റെ പെട്രോളിങ് സംഘം എത്തിയതോടെ അക്രമികള് ഇത് കണ്ട് അക്രമികള് രക്ഷപ്പെടുകയായിരുന്നു. പ്രദേശത്ത് നിന്ന് ലഭിച്ച അവ്യക്തമായ സിസിടിവി ദൃശ്യങ്ങളെ ചുറ്റിപ്പറ്റി നടത്തിയ അന്വേഷണത്തിലാണ് ഇവര് പിടിയിലായത്. എറണാകുളം, കൊല്ലം, തിരുവനന്തപുരം, ആലപ്പുഴ കോട്ടയം എന്നീ ജില്ലകളില് ഇവര്ക്കെതിരെ കേസ് രജിസ്റ്റര് ചെയ്തിട്ടുണ്ട്.
