കണ്ണൂര്‍: അഫ്ഗാനിസ്ഥാനിലെ താലിബാന്‍ ക്രൂരതക്കെതിരെ പ്രതിഷേധിക്കുക, പ്രതികരിക്കുക എന്ന മുദ്രാവാക്യവുമായി ഹിന്ദു ഐക്യവേദി കണ്ണൂര്‍ പഴയ ബസ്സ് സ്റ്റാന്‍ഡില്‍ ദേശരക്ഷാവലയം പരിപാടി സംഘടിപ്പിച്ചു.
കണ്ണൂരില്‍ നിന്ന് ഐഎസ് ബന്ധമുള്ള രണ്ട് വനിതകളെ എന്‍ഐഎ കസ്റ്റഡിയിലെടുത്ത അതീവ ഗൗരവമുള്ള സംഭവം ഒരു ഭാഗത്തും അതേസമയം മറുഭാഗത്ത് തീവ്രവാദികളെ മഹത്വവല്ക്കരിക്കുവാനുള്ള നീക്കങ്ങളും നടക്കുന്ന പശ്ചാത്തലത്തിലാണ് ദേശരക്ഷാവലയം പരിപാടി സംഘടിപ്പിച്ചത്. ജില്ലാ വര്‍ക്കിംഗ് പ്രസിഡന്റ് ടി.പി. സതീശന്‍ അദ്ധ്യക്ഷത വഹിച്ചു.
ജില്ലാ പ്രസിഡന്റ് പ്രദീപ് ശ്രീലകം ഉദ്ഘാടനം നിര്‍വ്വഹിച്ചു. ജില്ലാ രക്ഷാധികാരി കെ.ജി. ബാബു, ജില്ലാ ജനറല്‍ സെക്രട്ടറി പി.വി. ശ്യാംമോഹന്‍ എന്നിവര്‍ പ്രസംഗിച്ചു. ടി. സുകേഷ് സ്വാഗതവും എസ്. രാജഗോപാല്‍ നന്ദിയും പറഞ്ഞു. മഹിളാ ഐക്യവേദി ജില്ലാ പ്രസിഡന്റ് എം.പി. രാഗിണി ടീച്ചര്‍, സി.ഒ. മനേഷ് എന്നിവര്‍ നേതൃത്വം നല്‍കി.
