ന്യൂദല്‍ഹി: മലയാളികള്‍ക്ക് ഓണാശംസകള്‍ നേര്‍ന്ന് പ്രധാനമന്ത്രി നരേന്ദ്രമോദി. ഓണത്തിന്റെ പ്രത്യേകവേളയില്‍, ഉത്സാഹവും സാഹോദര്യവും ഐക്യവും ചേര്‍ന്ന ഉത്സവ് ആശംസകള്‍. ഏവരുടെയും നല്ല ആരോഗ്യത്തിനും ക്ഷേമത്തിനും വേണ്ടി താന്‍ പ്രാര്‍ത്ഥിക്കുന്നുവെന്നും പ്രധാനമന്ത്രി ട്വിറ്ററില്‍ കുറിച്ചു.
മലയാളത്തിലായിരുന്നു പ്രധാനമന്ത്രിയുടെ ട്വീറ്റ്. എല്ലാ പൗരന്മാര്‍ക്കും ഓണാശംസകള്‍ നേരുന്നതായി രാഷ്‌ട്രപതി രാംനാഥ് കോവിന്ദും ട്വീറ്റ് ചെയ്തു. ഓണത്തിന്റെ ശുഭകരമായ വേളയില്‍ എന്റെ ഹൃദയം നിറഞ്ഞ ഓണാശംസകള്‍ നേരുന്നതായി ഉപരാഷ്‌ട്രപതി വെങ്കയ്യനായിഡു അറിയിച്ചു. നമ്മുടെ രാജ്യത്തിന്റെ വിവിധ ഭാഗങ്ങളില്‍ വിളവെടുപ്പ് കാലത്തിന് തുടക്കം കുറിക്കുകയാണ് . മഹാമനസ്‌ക്കതയ്‌ക്കും കുലീനതയ്‌ക്കും കേള്‍വി കേട്ട കേരളത്തിലെ മഹാനായ രാജാവ് മഹാബലിയുടെ സ്മരണയെയും ഓണം ആദരിക്കുന്നു വെങ്കയ്യനായിഡു ട്വിറ്ററില്‍ കുറിച്ചു.
