ഇടുക്കി: ജില്ലയിലെ ഏലത്തോട്ടങ്ങളിലെത്തി വനംവകുപ്പ് ഉദ്യോഗസ്ഥര് പണം പിരിവ് നടത്തുന്നതായി പരാതി വ്യാപകം. ഓണത്തിന് ചെലവ് വേണമെന്ന് പറഞ്ഞാണ് ഉദ്യോഗസ്ഥര് തോട്ടങ്ങള് തോറും കയറി ഇറങ്ങുന്നതെന്നാണ് ആക്ഷേപം.
അയ്യപ്പന്കോവില്, കാഞ്ചിയാര്, നെടുങ്കണ്ടം, കുമളി, പുളിയന്മല, വണ്ടന്മേട്, കമ്പംമെട്ട് പരിധിയില്പ്പെട്ട ഫോറസ്റ്റ് ഉദ്യോഗസ്ഥരാണ് പണം പിരിക്കുന്നത്. ഇത് സംബന്ധിച്ച് വണ്ടന്മേടുള്ള കാര്ഡം ഗ്രോവെഴ്സ് അസോസിയേഷന് സംസ്ഥാന മുഖ്യവനപാലകന് പരാതി നല്കി.
നിരവധി കര്ഷക അംഗങ്ങളാണ് ഇക്കാര്യം കാണിച്ച് പരാതി പറഞ്ഞിരിക്കുന്നതെന്നും ഇത്തരം നടപടികള് ഒഴുവാക്കണമെന്നും അസോസിയേഷന് പരാതിയില് പറയുന്നു. ഏലക്കായ്ക്ക് വിലയില്ലാത്ത ഈ സമയത്ത് ഇത്തരത്തില് കര്ഷകരെ ചൂഷണം ചെയ്യുന്ന ഫോറസ്റ്റ് ഉദ്യോഗസ്ഥര്ക്കെതിരെ ശക്തമായ നടപടി വേണമെന്നാണ് ആവശ്യം.
