കുന്നിക്കോട്: ചേത്തടി വിഎഫ്പിസികെ കാര്ഷിക വിപണിയുടെ നേതൃത്വത്തില് കര്ഷകരെ ആദരിക്കല് ചടങ്ങും ബോണസ് വിതരണവും വെട്ടിക്കവല ബ്ലോക്ക് പഞ്ചായത്ത് പ്രസിഡന്റ് ഹര്ഷകുമാര് ഉദ്ഘാടനം ചെയ്തു. വിപണി പ്രസിഡന്റ് മേലില രാമചന്ദ്രന്പിള്ള അധ്യക്ഷനായി. സി. സുരേഷ് കുമാര് മുഖ്യപ്രഭാഷണം നടത്തി.
വിപണിയില് ഏറ്റവും കൂടുതല് കാര്ഷികോല്പ്പന്നങ്ങള് എത്തിച്ച കര്ഷകരായ ചന്ദ്രബാബു ചിരട്ടക്കോണം മോഹനന് പിള്ള, ഗീവര്ഗീസ് സദാനന്ദപുരം, സാബുകുമാര് ചിരട്ടക്കോണം, സജീവ് ചേത്തടി, ഷാജി തോമസ് നവോദയ എന്നിവരെയാണ് ആദരിച്ചത്. കാര്ഷികോല്പ്പന്നങ്ങള് കൂടുതലായി വാങ്ങിയ വ്യാപാരികളായ സുല്ഫിക്കര്, നിസാര്, ബിലാല് മുഹമ്മദ്, ഇബ്രാഹിം എന്നിവരെ ജില്ലാ മാനേജര് മേരി സൈമണ് പൊന്നാടയണിച്ചു.
മേലില ഗ്രാമപഞ്ചായത്ത് പ്രസിഡന്റ് താരാ സജികുമാര്, ബ്ലോക്ക് പഞ്ചായത്തംഗം അനില് കുമാര്, ചേത്തടി വാര്ഡ് മെമ്പര് അനിത കുമാരി എന്നിവര് ആശംസകള് അര്പ്പിച്ചു. വിപണി മാനേജര് സന്ദീപ്, ട്രഷറര് ബൈജു തോട്ടശ്ശേരി, വൈസ് പ്രസിഡന്റ് ഷാജി തോമസ്, സെക്രട്ടറിമാരായ രശ്മി അനില്കുമാര്, നീന സന്തോഷ് എന്നിവര് ചടങ്ങിന് നേതൃത്വം നല്കി.
