ന്യൂദല്ഹി: ധനകാര്യ മന്ത്രാലയത്തിന്റെ എക്സ്പെണ്ടിച്ചര് വകുപ്പ് പോസ്റ്റ് ഡെവലൂഷന് റവന്യൂ കമ്മി (പിഡിആര്ഡി) ഗ്രാന്റിന്റെ പ്രതിമാസ ഗഡു ഇനത്തില് കഴിഞ്ഞ ദിവസം സംസ്ഥാനങ്ങള്ക്ക് വിതരണം ചെയ്തത് 9,871 കോടി രൂപയാണ്.
അഞ്ചാമത്തെ ഗഡു കൂടി നല്കിയതോടെ ഈ സാമ്പത്തിക വര്ഷത്തില് യോഗ്യതയുള്ള സംസ്ഥാനങ്ങള്ക്ക് 49,355 കോടി രൂപ മൊത്തം തുക അനുവദിച്ചിട്ടുണ്ട്. ഈ മാസം നല്കിയ ഗ്രാന്റിന്റെ സംസ്ഥാനാടിസ്ഥാനത്തിലുള്ള വിശദാംശങ്ങളും 2021-22ല് സംസ്ഥാനങ്ങള്ക്ക് അനുവദിച്ച പിഡിആര്ഡി ഗ്രാന്റിന്റെ ആകെ തുകയും പട്ടികയില് കൂട്ടിച്ചേര്ത്തിരിക്കുന്നു.
പതിനഞ്ചാം ധനകാര്യ കമ്മീഷന്, മൊത്തം പോസ്റ്റ് ഡെവലൂഷന് റവന്യൂ കമ്മി ഗ്രാന്റ് ഇനത്തില് 2021-22 സാമ്പത്തിക വര്ഷത്തില് 17 സംസ്ഥാനങ്ങള്ക്ക് 1,18,452 കോടി രൂപ ശുപാര്ശ ചെയ്തിട്ടുണ്ട്. ഇതില് നിന്നും 49,355 കോടി രൂപ (41.67%) ഇതുവരെ വിതരണം ചെയ്തു. കേരളത്തിന് അഞ്ചാം ഗഡുവായി 1657.58 കോടി രൂപയും ഇതുവരെ ആകെ 8287.92 കോടി രൂപയും ലഭിച്ചു.
