പാലക്കാട്: കൊഴിഞ്ഞാമ്പാറ വേലന്താവളം ചെക്ക്പോസ്റ്റിന് സമീപം കാറില് കടത്തിയ 65 കിലോ കഞ്ചാവ് പിടിച്ചെടുത്തു. എസ്.പി. ആര്.വിശ്വനാഥിന് കിട്ടിയ രഹസ്യവിവരത്തെ തുടര്ന്ന് ജില്ലാ നാര്കോട്ടിക്സെല്ലിന്റെയും, കൊഴിഞ്ഞാമ്പാറ പോലീസിന്റെയും നേതൃത്വത്തില് നടത്തിയ പരിശോധനയിലാണ് കഞ്ചാവ് പിടികൂടിയത്.
കാറില് 35 കവറുകളിലായിട്ടാണ് 65 കിലോ കഞ്ചാവ് സൂക്ഷിച്ചിരുന്നത്. കല്ലടിക്കോട്, കരിമ്പ, പടിക്കപ്പറമ്പില് എസ്.സനു(39) മണ്ണാര്ക്കാട്, കൈതച്ചിറ, വെട്ടിക്കല്ലറ വീട്ടില് എച്ച്.മുഹമ്മദ് ഷഫീക്ക് (27) എന്നിവരെ പിടികൂടി. കഞ്ചാവ് ആന്ധ്രപ്രദേശില് നിന്നും കല്ലടിക്കോട്, മണ്ണാര്ക്കാട് ഭാഗത്തേക്ക് ചില്ലറ വില്പ്പന്ക്കായി കൊണ്ടുവന്നതാണെന്ന് പ്രതികള് പറഞ്ഞു. നിരവധി കേസുകളിലെ പ്രതിയാണ് സനു.
