തിരുവനന്തപുരം: ആന കരിമ്പില്കാട്ടില് കയറിയതുപോലെ എന്ന് ചോല്ല് ഇപ്പോള് ശിവന്കുട്ടി നിയമസഭയില് കയറിയത് പോലെ എന്നായിരിക്കുന്നുവെന്ന് പി.ടി. തോമസ് എംഎല്എയുടെ പരിഹാസം.
ശിവന്കുട്ടിയുടെ നിയമസഭയിലെ പ്രകടനം വിക്ടേഴ്സ് ചാനലില് പ്രദര്ശിപ്പിച്ചാല് വിദ്യാര്ത്ഥികള് കോരിത്തരിക്കും. എന്നാല് വിദ്യാര്ത്ഥികള്ക്ക് മാതൃകയാകാന് വിദ്യാഭ്യാസമന്ത്രിക്ക് സാധിക്കുമോ എന്നും പി.ടി. തോമസ് ചോദിച്ചു.
കത്തോലിക്ക സഭയാണ് സാധാരണ വിശുദ്ധന്മാരെ പ്രഖ്യാപിക്കുന്നത്. ഇപ്പോള് സിപിഎമ്മിന് ആ അധികാരം നല്കിയാല് അവര് കെ.എം. മാണിയെ വിശുദ്ധനായി പ്രഖ്യാപിക്കും. മാണി ജീവിച്ചിരുന്നപ്പോള് കേരളം കണികണ്ടുണരുന്ന കള്ളന് എന്നാണ് സിപിഎം ആക്ഷേപിച്ചിരുന്നത്. കയ്യാങ്കളിക്കേസ് നിയമസഭയുടെ ചരിത്രത്തിലെ കറുത്ത അധ്യായമാണ്. മന്ത്രി ശിവന്കുട്ടിയെ പുറത്താനക്കാന് മുഖ്യമന്ത്രി ആര്ജവം കാണിക്കണമെന്നും പി.ടി. തോമസ് പറഞ്ഞു.
