കൊച്ചി: കാലിക്കറ്റ് യൂണിവേഴ്സിറ്റിയിലെ ഡോ. അംബേദ്കര് ചെയര് വിഷയത്തില് ഗവര്ണര് ഇടപെടണമെന്ന് ബിജെപി പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് ആവശ്യപ്പെട്ടു. സര്വകലാശാല ആവശ്യപ്പെട്ട പണം കെട്ടിവയ്ക്കാനില്ലാത്തതിനാല് അംബേദ്കര് ചെയറിന് ഇടം നിഷേധിച്ചതിലൂടെ ഭരണഘടനാ ശില്പ്പിയെ അവഹേളിക്കുയാണ് കാലിക്കറ്റ് യൂണിവേഴ്സിറ്റി ചെയ്തത്.
സര്വകലാശാലയിലെ മറ്റു ചെയറുകള്ക്ക് സര്ക്കാര് നേരിട്ടും അല്ലാതെയും പണം നല്കുന്നു. അംബേദ്കര് ചെയറിന് മാത്രം പണം നല്കാത്ത നടപടി ഇടതു സര്ക്കാരിന്റെ ദളിത് വിരുദ്ധതയാണ് പുറത്തു കൊണ്ടുവരുന്നത്. മത ന്യൂനപക്ഷ വിഭാഗത്തില് പെടുന്നവരുടെ ചെയറുകള്ക്ക് സര്ക്കാര് സൗജന്യമായി പണം നല്കുമ്പോള് അംബേദ്കറോട് കാണിക്കുന്നത് അനീതിയും അയിത്തവുമാണ്. അംബേദ്കര് ചെയറിന്റെ മുഴുവന് ചെലവും വഹിക്കാന് സര്ക്കാര് തയാറാകണമെന്നും ഷാജുമോന് വട്ടേക്കാട് പറഞ്ഞു.
