കണ്ണൂര്: രാമനാട്ടുകര സ്വര്ണക്കടത്ത് കേസില് സിപിഎം സൈബര് പോരാളി അകാശ് തില്ലങ്കേരിയെ കസ്റ്റംസ് ഇന്ന് ചോദ്യം ചെയ്യും. സ്വര്ണക്കടത്തില് ആകാശിന് പങ്കുണ്ടെന്ന മൊഴികളുടെ അടിസ്ഥാനത്തിലാണ് ചോദ്യം ചെയ്യല്. ചോദ്യം ചെയ്യലിന് ഹാജരാകാന് ആവശ്യപ്പെട്ട് അന്വേഷണ സംഘം ആകാശിന് നോട്ടീസ് നല്കിയിട്ടുണ്ട്.
കേസില് പിടിയിലായ അര്ജുന് ആയങ്കിയുമായി ആകാശിന് വളരെ അടത്ത ബന്ധമാണുള്ളത്. സ്വര്ണക്കടത്തുമായി ബന്ധപ്പെട്ട് ടിപി കേസ് പ്രതി മുഹമ്മദ് ഷാഫി അടക്കമുള്ളവര് ആകാശിനെതിരെ മൊഴി നല്കിയതായാണ് ലഭിക്കുന്ന സൂചന. രണ്ട് ദിവസം മുമ്പ് ആകാശ് തില്ലങ്കേരിയുടെ വീട്ടില് കസ്റ്റംസ് പരിശോധന നടത്തിയിരുന്നു.
കേസില് റിമാന്ഡില് തുടരുന്ന അര്ജുന് ആയങ്കിയുടെ ജാമ്യാപേക്ഷയും കോടതി ഇന്ന് പരിഗണിയ്ക്കും. കസ്റ്റംസിന് സംസ്ഥാനത്തിന് പുറത്തുള്ള സ്വര്ണക്കടത്ത് സംഘങ്ങളുമായി അടുത്ത ബന്ധമുണ്ടെന്നായിരുന്നു കസ്റ്റംസിന്റെ കണ്ടെത്തല്. എന്നാല് ഇത് സംബന്ധിച്ച് കസ്റ്റംസിന്റെ കയ്യില് തെളിവുകള് ഇല്ലായെന്നാണ് അര്ജുന്റെ വാദം.
