പാലക്കാട്: ജില്ലയിലെ അട്ടപ്പാടിയില് ചരിഞ്ഞ ആനയില് ‘ആന്ത്രാക്സ്’ രോഗം കണ്ടെത്തി. കഴിഞ്ഞ ദിവസം ചെരിഞ്ഞ കാട്ടാനക്കാണ് ആന്ത്രാക്സ് രോഗം സ്ഥിരീകരിച്ചത്. മൂക്കില് നിന്നും വായില് നിന്നും രക്തം ചൊരിഞ്ഞ നിലയിലാണ് ആനയെ കണ്ടെത്തിയത്. തുടര്ന്ന് തമിഴ്നാട് വനംവകുപ്പ് നടത്തിയ പരിശോധനയിലാണ് ആനക്ക് ആന്ത്രാക്സ് രോഗമാണെന്ന് സ്ഥിരീകരിച്ചത്.
അതേസമയം, ആശങ്കപ്പെടേണ്ട സാഹചര്യമല്ലെന്നും നിലവിലെ സാഹചര്യത്തില് മറ്റ് കന്നുകാലികള്ക്ക് ഉള്പ്പെടെ ആന്ത്രാക്സിനുള്ള പ്രതിരോധ മരുന്നുകള് നല്കേണ്ടതുണ്ടെന്നും വനം വകുപ്പ് അറിയിച്ചു.
സാധാരണ ഗതിയില് കാട്ടിലേയോ വളര്ത്തുന്നതോ ആയപുല്ലുതിന്നുന്ന ജീവികളെയാണു ആന്ത്രാക്സ് വേഗം ബാധിക്കുക. തറയിലുള്ള സസ്യങ്ങള് തിന്നുമ്പോള്, അഹാരം വഴിയും മൂക്കുവഴി അകത്തേയ്ക്കു വലിക്കുന്ന വായു വഴിയും ആണ് രോഗാണുക്കള് അകത്തുകടക്കുന്നു. ഇങ്ങനെ രോഗവാഹികളാകുന്ന സസ്യഭുക്കുകളെ തിന്നുന്ന മാംസഭുക്കുകള്ക്കും ആന്ത്രാക്സ് വരാം.
