കൊട്ടാരക്കര: താമരക്കുടി 398-ാം നമ്പര് ശിവവിലാസം എന്എസ്എസ് കരയോഗത്തിന്റെ ഭാഗമായ മന്നത്ത് ആചാര്യന് സാംസ്കാരിക സമിതിയുടെ (എംഎഎസ്എസ്) നേതൃത്വത്തില് വിദ്യാര്ത്ഥിക്ക് വീട് നിര്മ്മിക്കാനായി അഞ്ച് സെന്റ് സ്ഥലം നല്കി. താമരക്കുടി എസ്വിവിഎച്ച്എസ്എസിലെ വിദ്യാര്ത്ഥിയും, എന്എംഎം സ്കോളര്ഷിപ്പ് ജേതാവുമായ ജയദേവനാണ് പഠന മികവിനുള്ള അംഗീകാരമായി സ്ഥലം നല്കിയത്.
സ്കൂള് മാനേജരും കരയോഗം പ്രസിഡന്റുമായ ആര്.രാജശേഖരന് പിള്ള, ഭവന നിര്മ്മാണത്തിനായി നല്കിയ അഞ്ച് സെന്റ് സ്ഥലത്തിന്റെ ആധാരം കൊട്ടാരക്കര താലൂക്ക് എന്എസ്എസ് യൂണിയന് പ്രസിഡന്റ് ജി. തങ്കപ്പന്പിള്ള കുട്ടിയുടെ മാതാപിതാക്കള്ക്ക് കൈമാറി. സാംസ്കാരിക സമിതി രക്ഷാധികാരി ചന്ദ്രശേഖരന് പിള്ള അധ്യക്ഷത വഹിച്ച യോഗത്തില് യൂണിയന് സെക്രട്ടറി അനില്കുമാര് മുഖ്യപ്രഭാഷണം നടത്തി.
എന്എസ്എസ് യൂണിയന് കമ്മിറ്റി അംഗങ്ങളായ ജി. ഉണ്ണികൃഷ്ണന് നായര്, കോട്ടത്തല വിജയന്പിള്ള, യൂണിയന് ഇലക്ട്രല് റോള് മെമ്പര് പി.രാജഗോപാല്, ജില്ലാ ശിശുക്ഷേമ സമിതി പ്രസിഡന്റ് കെ.പി. സജിനാഥ്, ബ്ലോക്ക് പഞ്ചായത്ത് മെമ്പര് ദിവ്യ ചന്ദ്രശേഖര്, വാര്ഡ് മെമ്പര് ദീപ ശ്രീകുമാര്, സ്കൂള് ഹെഡ്മിസ്ട്രസ് അനിതകുമാരി എം.എസ്., പിടിഎ പ്രസിഡന്റ് എന്.കെ. ഹരികുമാര്, മാസ്റ്റര് കരുണാകരന് ആചാരി, കരയോഗം സെക്രട്ടറി സി.ബിനു, ആര്.സജി എന്നിവര് പ്രസംഗിച്ചു.
