കോട്ടയം: മുണ്ടക്കയത്ത് അമ്മ മകളെ കഴുത്ത് ഞെരിച്ചു കൊന്നു. കുട്ടിക്കല് സ്വദേശി ഷെമീറിന്റെ ഭാര്യ ലൈജീനയാണ് മകളെ കൊലപ്പെടുത്തിയത്. പന്ത്രണ്ടുകാരിയായ ഷംനയാണ് കൊല്ലപ്പെട്ടത്. ഇന്ന് പുലര്ച്ചെ നാല് മണിയോടെയായിരുന്നു സംഭവം.
കഴുത്തില് ഷാള് മുറുക്കിയാണ് ലൈജീന മകളെ കൊലപ്പെടുത്തിയത്. കൃത്യം നടത്തിയ ശേഷം കിണറ്റില് ചാടിയ ലൈജീനയെ നാട്ടുകാരും ഫയര്ഫോഴ്സും ചേര്ന്ന് രക്ഷപ്പെടുത്തി. യുവതി തന്നെയാണ് മകളെ കൊലപ്പെടുത്തിയ വിവരം ഇവരെ അറിയിച്ചത്.
തുടര്ന്ന് നടത്തിയ പരിശോധനയില് കുട്ടിയെ കഴുത്തില് ഷാള് മുറുക്കിയ നിലയില് കണ്ടെത്തുകയായിരുന്നു. ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. യുവതിയ്ക്ക് മാനസിക പ്രശ്നങ്ങളുണ്ടെന്ന് നാട്ടുകാര് പറഞ്ഞു. ഷെമീര് വിദേശത്താണ്.
