തിരുവനന്തപുരം: തലസ്ഥാനത്ത് വയോധികയെ മദ്യലഹരിയിൽ അയല്‍വാസിയായ യുവാവ് വെട്ടി കൊന്നു. വെമ്പായം ചീരാണിക്കര സ്വദേശി സരോജ(62)മാണ് കൊല്ലപ്പെട്ടത്. അയല്‍വാസിയായ ബൈജുവിനെ പോലീസ് പിടികൂടി. ചൊവ്വാഴ്ച പുലർച്ചെ രണ്ട് മണിയോടെയായിരുന്നു സംഭവം.
സരോജത്തിന്റെ മകളും മകനും താമസിക്കുന്നത് തൊട്ടടുത്ത വീട്ടിലാണ്. ഈ വീട്ടിലെത്തി ബൈജു മദ്യലഹരിയില്‍ ബഹളമുണ്ടാക്കി. ഈ ശബ്ദം കേട്ടാണ് സരോജം അവിടെ എത്തുന്നത്. വീടിന് മുന്നില്‍ വെച്ച് ബൈജു സരോജത്തിന്റെ തലയ്‌ക്ക് വെട്ടുകയായിരുന്നു. തത്ക്ഷണം മരിച്ചുവെന്നാണ് പോലീസ് പറയുന്നത്.
മുഖത്തും, കഴുത്തിലുമാണ് വെട്ടേറ്റത്. സംഭവം നടന്ന ഉടന്‍ തന്നെ പ്രതിയായ ബൈജുവിനെ വട്ടപ്പാറ പോലീസ് കസ്റ്റഡിയിലെടുക്കുകയായിരുന്നു.
