തൃശൂര്: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയെന്ന പരാതിയേത്തുടര്ന്ന് ടിക് ടോക് താരം അറസ്റ്റില്. തൃശൂര് വടക്കാഞ്ചേരി കുമ്പളങ്ങാട് പള്ളിയത്ത് പറമ്പില് വിഘ്നേഷ് കൃഷ്ണയെ ആണ് പൊലീസ് പിടികൂടിയത്. 19കാരനായ വിഘ്നേഷ് ‘അമ്പിളി’ എന്ന പേരിലാണ് ടിക് ടോക്കില് അറിയപ്പെട്ടിരുന്നത്. അമ്പിളി സോഷ്യല്മീഡിയയില് സഖാവ് അമ്പിളി എന്നും അറിയപ്പെട്ടിരുന്നു.സിപിഎം അനുകൂല പോസ്റ്റുകളാണ് ഇയാളുടെ ഇന്സ്റ്റാഗ്രാമില് ഉള്പ്പെടെയുള്ളത്.
സമൂഹമാധ്യമങ്ങളില് ഒരു വിഭാഗം ചെറുപ്പക്കാര്ക്കിടയില് സെലിബ്രിറ്റി സ്റ്റാറ്റസുള്ളയാളാണ് വിഘ്നേഷ്. ടിക് ടോക് നിരോധിക്കപ്പെട്ടതിന് ശേഷം ഇന്സ്റ്റഗ്രാം റീലുകളിലൂടേയും അമ്പിളി ശ്രദ്ധിക്കപ്പെട്ടിരുന്നു. പെണ്കുട്ടികളേയും പ്രകൃതിയേയും നോവിക്കരുതെന്നും അതിന്റെ കഥകള് പറഞ്ഞ് കരയുകയുമാണ് അമ്പിളിയുടെ പ്രധാന പരിപാടി. മിക്കവീഡിയോകളും പെണ്കുട്ടികളെ സഹോദരിമാരായി കാണണമെന്നടക്കം വിഷയങ്ങളായിരുന്നു.
.
ഫോണിലൂടെ പരിചയപ്പെട്ട ശേഷം വിവാഹ വാഗ്ദാനം നല്കിയ വിഘ്നേഷ് പെണ്കുട്ടിയെ ബൈക്കില് കൊണ്ടുപോയി പീഡിപ്പിച്ചെന്നാണ് പരാതി.തൃശൂര് മെഡിക്കല് കോളേജ് ആശുപത്രിയുടെ പരിസരത്ത് നിന്ന് എസ് ഐ ഉദയകുമാര്, സിപിഒമാരായ അസില്, സജീവ് എന്നിവര് ചേര്ന്നാണ് വിഘ്നേഷിനെ അറസ്റ്റ് ചെയ്തത്.
