ന്യൂദല്ഹി: ഐടി നിയമം ഇന്നലെ അര്ദ്ധരാത്രിമുതല് രാജ്യത്ത് നിലവില് വന്നുവെന്ന് കേന്ദ്ര സര്ക്കാര്. ഇതിന്റെ അടിസ്ഥാനത്തില് ഇന്ത്യയില് പ്രവര്ത്തിക്കുന്ന എല്ലാ സാമൂഹ്യമാധ്യമങ്ങളും ഇന്നു അര്ദ്ധരാത്രിക്ക് മുമ്പ് റിപ്പോര്ട്ട് നല്കണമെന്ന് ആഭ്യന്തര മന്ത്രാലയം നിര്ദേശിച്ചു. പുതിയ ഐടി നിയമമനുസരിച്ചുള്ള നിയമനങ്ങള് നടത്തിയോ എന്നു കൃത്യമായി വ്യക്തമാക്കുന്നതാകണം റിപ്പോര്ട്ടുകള്.
പല തവണയായി കൈമാറ്റം ചെയ്യപ്പെടുന്ന ഒരു വ്യാജ സന്ദേശത്തിന്റെ ഉറവിടം എവിടെ നിന്നാണെന്ന് ഇനി മുതല് സാമൂഹിക മാധ്യമങ്ങള് ആഭ്യന്തരമന്ത്രാലയത്തെ അറിയിക്കണം. സര്ക്കാര് നിര്ദേശങ്ങളോട് സഹകരിക്കുമെന്ന് ഗൂഗിളും യൂട്യൂബും ഫേസ്ബുക്കും വ്യക്തമാക്കിയിട്ടുണ്ട്. വര്ഷങ്ങള്ക്കു മുന്പ് ഈ ആവശ്യം സര്ക്കാര് ഉയര്ത്തിയപ്പോള് അതു സാധ്യമല്ല തങ്ങള് ഇന്ത്യയിലെ പ്രവര്ത്തനങ്ങള് നിര്ത്തിപ്പോകുമെന്നാണ് ഈ കമ്പനികള് അറിയിച്ചിരുന്നത്.
കേന്ദ്ര സര്ക്കാര് കടുത്ത നടപടികളിലേക്ക് നീങ്ങുമെന്ന് വ്യക്തമായതോടെയാണ് ഫേസ്ബുക്ക് കീഴടങ്ങിയത്. ഇന്ത്യയിലെ നിയമങ്ങള് അനുസരിക്കാന് തങ്ങളും ബാധ്യസ്ഥരാണെന്നും നിരോധനം ഉള്പ്പെടെയുള്ള നടപടികളിലേക്ക് കടക്കരുതെന്നും ഫേസ്ബുക്ക് കേന്ദ്ര സര്ക്കാരിനെ രേഖാമൂലം അറിയിച്ചു. കേന്ദ്രസര്ക്കാരിന്റെ പുതിയ ഐടി നിയമം അനുസരിച്ച് മാറ്റങ്ങള് വരുത്താന് ഫേസ്ബുക്ക് തയാറാണ്. നിയമം നടപ്പാക്കുന്നതുമായി ബന്ധപ്പെട്ടു സര്ക്കാരുമായി ചര്ച്ചകള് നടത്തുകയാണ്. മെച്ചപ്പെട്ട സേവനം നല്കുന്നതിനും നിയമം പാലിക്കുന്നതിനും പ്രതിജ്ഞാബദ്ധമാണെന്നും ഫെയ്സ്ബുക്ക് വക്താവ് കൂട്ടിച്ചേര്ത്തു.
2021 ഫെബ്രുവരിയിലാണ് കേന്ദ്ര ഐ.ടി മന്ത്രാലയം പുതിയ ഐടി നിയമം നടപ്പിലാക്കാന് വാട്ട്സ് ആപ്പ്, ഫേസ്ബുക്ക്, ട്വിറ്റര് അടക്കമുള്ള സമൂഹമാധ്യമങ്ങള്ക്ക് നിര്ദേശം നല്കിയത്. ഇതിനായി മൂന്ന് മാസം അനുവദിച്ചിരുന്നു. ഈ കാലാവധിയാണ് ഇന്ന് അര്ദ്ധരാത്രി അവസാനിക്കും. ഇതിന്റെ ഭാഗമായി കേന്ദ്ര സര്ക്കാര് കടുത്ത നടപടികളിലേക്ക് കടന്നേക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്തിരുന്നു. പുതിയ നിര്ദേശങ്ങള് പാലിക്കാത്തവരുടെ സമൂഹമാധ്യമങ്ങളുടെ സംരക്ഷണവും പദവിയും നഷ്ടമാകുമെന്ന് കേന്ദ്ര സര്ക്കാര് വൃത്തങ്ങള് വ്യക്തമാക്കിയിരുന്നു.
