ന്യൂദല്ഹി: കോവിഡ് നൂറ്റാണ്ടുകണ്ട ഏറ്റവും വലിയ ദുരന്തം. സാധ്യമായിട്ടുള്ള എല്ലാ വഴികളിലൂടേയും ഇതിനെ പ്രതിരോധിക്കാനുള്ള ശ്രമത്തിലാണ് രാജ്യമെന്ന് പ്രധാനമന്ത്രി നരേന്ദ്രമോദി. ബുദ്ധ പൂര്ണിമയോടനുബന്ധിച്ച് രാജ്യത്തെ അഭിസംബോധന ചെയ്ത് സംസാരിക്കവേയാണ് ഇക്കാര്യം അറിയിച്ചത്.
കോവിഡിന് മുമ്പുള്ള ലോകമായിരിക്കില്ല ഇനി. മഹാമാരിയെ കുറിച്ച് ഇപ്പോള് ജനങ്ങള് നന്നായി മനസ്സിലാക്കി കഴിഞ്ഞു. ഇത് കോവിഡിനെതിരെ പോരാടാന് നമ്മളെ സഹായിക്കും. ജാഗ്രത കൈവിടാതെ മുന്നോട്ട് പോകണം.
വാക്സിന് കണ്ടുപിടിക്കുന്നതിന് വേണ്ടി പ്രവര്ത്തിച്ച ശാസ്ത്രജ്ഞരെ ഓര്ത്ത് അഭിമാനിക്കുന്നു.കോവിഡ് മഹാമാരിയെ പരാജയപ്പെടുത്തുന്നതില് നിര്ണായക പങ്കാണ് വാക്സിനുള്ളത്. അതേസമയം കോവിഡിനൊപ്പം മറ്റ് വെല്ലിവിളികളെ നാം ശ്രദ്ധിക്കാതെ പോകരുത്. കാലാവസ്ഥാ വ്യതിയാനം ഇതില് പ്രധാനപ്പെട്ട ഒന്നാണെന്നും പ്രധാനമന്ത്രി ഓര്മ്മപ്പെടുത്തി.
