തിരുവനന്തപുരം : കോവിഡ് രോഗികളുടെ എണ്ണം ക്രമാതീതമായി ഉയര്ന്നതോടെ സംസ്ഥാനത്തെ ആന്റിജന് പരിശോധന വര്ധിപ്പിക്കാന് തീരുമാനം. ഐസിഎംആര് മാര്ഗ നിര്ദ്ദേശത്തിന്റെ അടിസ്ഥാനത്തിലാണ് ഈ നടപടി. ആളുകള് കൂടുതലായി എത്തുന്ന റെയില്വേ സ്റ്റേഷന്, ബസ് സ്റ്റാന്റ് അടക്കമുള്ള ഇടങ്ങളില് 24 മണിക്കൂറും പ്രവര്ത്തിക്കുന്ന ബൂത്തുകള് സ്ഥാപിക്കും.
ആളുകള് തിങ്ങിപ്പാര്ക്കുന്ന നഗരങ്ങളിലെ ചേരിപ്രദേശങ്ങള്, തീരപ്രദേശങ്ങള്, ഗ്രാമീണ മേഖലകള് ഒപ്പം ബസ് സ്റ്റാന്റുകള്, റെയില്വേ സ്റ്റേഷന് തുടങ്ങിയ ഇടങ്ങളില് പരിശോധന ബൂത്തുകള് സ്ഥാപിക്കണമെന്നാണ് സംസ്ഥാന ആരോഗ്യ വകുപ്പ് നിര്ദ്ദേശം. ഈ ബുത്തുകളോട് അനുബന്ധിച്ച് തന്നെ പരിശോധയുടെ ഭാഗമായുണ്ടാകുന്ന മാലിന്യം സംസ്കരിക്കാനും മറ്റ് അണുബാധ നിയന്ത്രണ സംവിധാനങ്ങള് സ്ഥാപിക്കണം. ഇതുവഴി രോഗ വ്യാപനം ഉണ്ടാകുന്നത് തടയുന്നതിനാണ് ഈ നിര്ദ്ദേശം.
അതേസമയം ഒരു തവണ കോവിഡ് പോസിറ്റീവായ ആളുകളില് പിന്നീട് ആര്ടിപിസിആര് പരിശോധന ആവര്ത്തിക്കേണ്ടതില്ല. ഇവര്ക്ക് ആന്റിജന് പരിശോധന നടത്തിയാല് മതി. ആശുപത്രി ഡിസ്ചാര്ജിന് പരിശോധന വേണ്ടെന്ന നിര്ദ്ദേശം കര്ശനമായി പാലിക്കണമെന്നും ആരോഗ്യവകുപ്പ് അറിയിച്ചു.
