കോട്ടയം: ഈരാറ്റുപേട്ടയില് പി.സി ജോര്ജിന് ആദരാഞ്ജലികള് അർപ്പിച്ച് ഫ്ലക്സ് ബോർഡ്. ഫ്ളക്സിലെ പിസിയുടെ മുഖം കരി ഉപയോഗിച്ച് വികൃതമാക്കിയിട്ടുണ്ട്. പി.സി ജോര്ജിന്റെ ജനന തിയതിയും വോട്ടെണ്ണല് ദിനമായ ഞായറാഴ്ച മരണതീയതിയുമായാണ് നല്കിയിരിക്കുന്നത്.
ഒപ്പം നേര് എന്നുള്ളിടത്ത് ‘ചത്തു’ എന്നും മാറ്റി എഴുതി. ‘നമ്മള് ഈരാറ്റുപേട്ടക്കാര്’എന്ന ഫേസ്ബുക് ഗ്രൂപ്പിലും പി.സി ജോര്ജിനെതിരെ പോസ്റ്റര് ഉണ്ട്. മരിച്ച് സംസ്ക്കരിക്കുമ്പോള് ചൊല്ലുന്ന വാചകങ്ങളാണ് തലക്കെട്ടായി നല്കിയത്. എല്ഡിഎഫ് സ്ഥാനാര്ത്ഥി സെബാസ്റ്റ്യന് കുളത്തുങ്കല് ആണ് പൂഞ്ഞാര് മണ്ഡലത്തില് വിജയിച്ചത്. 40 വര്ഷമായി കൊണ്ടു നടന്ന പൂഞ്ഞാര് മണ്ഡലം പി.സി ജോര്ജിനെ കൈവിട്ട കാഴ്ചയാണ് കണ്ടത്.
1996 മുതല് പിസി ജോര്ജാണ് ഈ മണ്ഡലത്തെ പ്രതിനിധീകരിക്കുന്നത്. 1996 മുതല് 2006 വരെ കേരള കോണ്ഗ്രസ് സ്ഥാനാര്ഥിയായാണ് പിസി മത്സരിച്ചത്. എന്നാല് 2011ല് കേരള കോണ്ഗ്രസ് (എം) ന്റെ കൂടെയായിരുന്നു മത്സരം. 2016 ല് അദ്ദേഹം സ്വതന്ത്ര സ്ഥാനാര്ത്ഥിയായി മത്സരിച്ച് പൂഞ്ഞാറില് നിന്നും വിജയിച്ചു.
