കോട്ടയം: തോരാത്ത മഴയില്‍ ബിജെപി ദേശീയനിര്‍വ്വാഹകസമിതി അംഗം പി.സി. ജോര്ജ്ജിന്റെ പൂഞ്ഞാറിലെ വീട്ടില്‍ വെള്ളം കയറി. ഏകദേശം 40 ലക്ഷം രൂപയുടെ നഷ്ടമുണ്ടായതായി പറയുന്നു.
കഴിഞ്ഞ ദിവസം പെയ്ത കനത്ത മഴയില്‍ ഈരാറ്റുപേട്ടയില്‍ വന്‍തോതില്‍ നാശനഷ്ടം ഉണ്ടായി.. നശിക്കാത്തതായി യാതൊന്നുമില്ലെന്നാണ് പി.സി. ജോര്ജ്ജിന്റെ പ്രതികരണം.
വീട്ടിലും ഭാര്യയുടെ കടയിലുമായാണ് വെള്ളം കയറുക വഴി 40 ലക്ഷം രൂപയുടെ നഷ്ടമുണ്ടായത്. 40 കൊല്ലമായുള്ള താമസത്തിനിടയില്‍ ഇതാദ്യമായാണ് മഴവെള്ളം കയറി ഇങ്ങിനെ നാശനഷ്ടമുണ്ടാകുന്നതെന്ന് പി.സി. ജോര്‍ജ്ജ് പറയുന്നു. ഞായറാഴ്ച പുലര്‍ച്ചെ രണ്ട് മണിക്ക് ബാങ്ക് ജീവനക്കാരനായ അയല്‍വാസി വന്ന് വീട്ടില്‍ മുട്ടിവിളിച്ചപ്പോഴാണ് വെള്ളം കയറുന്നത് അറിഞ്ഞതെന്ന് പി.സി. ജോര്‍ജ്ജ് പറഞ്ഞു.
