മലപ്പുറം : സഫ്ന നസറുദ്ദീന് ഇനി മുതല് മലപ്പുറം ജില്ലാ സബ്് കളക്ടര്. പരിശീലനം പൂര്ത്തിയാക്കി എത്തിയശേഷമുള്ള ആദ്യ നിയമനമാണ് ഇത്. തിരുവനന്തപുരം പേയാട് ഫര്സാന മന്സിലില് ഹാജ നസഫുദ്ദീന്റേയും എ.എന്. റംലയുടേയും മകളാണ്.
സിവില് സര്വ്വീസ് പരീക്ഷയില് അഖിലേന്ത്യ തലത്തില് 45-ാം റാങ്കും കേരളത്തില് 3-ാം റാങ്കും കരസ്ഥമാക്കിയാണ് സഫ്ന നസ്റുദ്ദീന് ഈ പദവിയില് എത്തുന്നത്. സിവില് സര്വീസ് പരീക്ഷ ആദ്യ തവണ തന്നെ എഴുതി ഉയര്ന്ന റാങ്ക് നേടിയത് വാര്ത്തയായിരുന്നു. 2019 ബാച്ച് സിവില് സര്വ്വീസ് ജേതാവാണ്.
തിരുവനന്തപുരം പേരൂര്ക്കട കേന്ദ്രീയ വിദ്യാലയത്തിലായിരുന്നു സഫ്നയുടെ സ്കൂള് വിദ്യാഭ്യാസം. സിബിഎസ്ഇ ആള് ഇന്ത്യ ലെവലില് ഒന്നാം റാങ്കോടെയാണ് സഫ്ന പ്ലസ്ടു പഠനം പൂര്ത്തിയാക്കിയത്. തുടര്ന്ന് മാര് ഇവാനിയോസ് കോളേജില് നിന്നും എക്കണോമിക്സില് യൂണിവേഴ്സിറ്റി തലത്തില് ഒന്നാം റാങ്കോടെ ബിരുദവും പൂര്ത്തിയാക്കി. തിരുവനന്തപുരത്താണ് ഐഎഎസ് പരിശീലനം നേടിയത്.
