തൃശൂര്; മെഡിക്കല് കോളജില് നൃത്തംകളിച്ച് വൈറലായ ജാനകി എം ഓംകുമാറും നവീന് കെ. റസാഖിനെയും അഭിനന്ദിച്ച് ബിജെപി വക്താവ് സന്ദീപ് വാര്യര്. ”റാ റാ റാസ്പുടിന്… ലവര് ഓഫ് ദ് റഷ്യന് ക്വീന്…” എന്ന പാട്ടിനൊപ്പം ഇരുവരും നൃത്തം ചെയ്തത്. നവീന്റെ ഇന്സ്റ്റാഗ്രാം അക്കൗണ്ടിലൂടെയാണ് നൃത്തവീഡിയോ 30 സെക്കന്ഡ് ദൈര്ഘ്യമുള്ള വീഡിയോ പുറത്തുവിട്ടത്. ജാനകി ഓംകുമാറിനും നവീന് റസാഖിനും അഭിനന്ദനങ്ങള്. കൂടുതല് മികച്ച പ്രകടനങ്ങളുമായ് മുന്നോട്ട് വരാന് കഴിയട്ടെ ഇരുവര്ക്കുമെന്ന് സന്ദീപ് ഫേസ്ബുക്കില് കുറിച്ചു.
സന്ദീപ് വാര്യരുടെ ഫേസ്ബുക്ക് പോസ്റ്റിന്റെ പൂര്ണരൂപം:
തെരഞ്ഞെടുപ്പിന്റെ തിരക്കുകള്ക്ക് ശേഷം സോഷ്യല് മീഡിയയിലേക്ക് തിരിച്ച് വന്നപ്പോള് ഒരുപാട് ഇഷ്ടം തോന്നിയ ഒന്നാണ് ജാനകിയുടെയും നവീന്റെയും ഡാന്സ് വീഡിയോ… പല തവണ ആവര്ത്തിച്ച് കണ്ടിരുന്നു. ജാനകിയുടെ എക്സ്പ്രഷന്സ് അവരുടെ പ്രകടനത്തെ മറ്റൊരു തലത്തിലേക്കെത്തിച്ചു…
അവരുടെ ഒരു ഇന്റര്വ്യൂവില് വെറും രണ്ടു മണിക്കൂര് കൊണ്ടാണ് ഇത് കൊറിയോഗ്രഫി ചെയ്തെടുത്തതെന്നും കണ്ടു.. കലാലയങ്ങളെ മനോഹരങ്ങളാക്കുന്നത് കലകളാണ്. ജാനകി ഓംകുമാറിനും നവീന് റസാഖിനും അഭിനന്ദനങ്ങള്. കൂടുതല് മികച്ച പ്രകടനങ്ങളുമായ് മുന്നോട്ട് വരാന് കഴിയട്ടെ ഇരുവര്ക്കും. തൃശൂര് മെഡിക്കല് കോളേജിലെ ഗഡീസ് ആയോണ്ട് പറയാണ് .. സംഗതി പൊരിച്ചൂ ട്ടാ ..
