തിരുവനന്തപുരം: കാട്ടായിക്കോണത്ത് സിപിഎം നടത്തിയ അക്രമങ്ങളുമായി ബന്ധപ്പെട്ട കേസില് ഡിവൈഎഫ്ഐ ബ്ലോക്ക് പ്രസിഡന്റ് സുര്ജിത്ത് റിമാന്ഡില്. ബൂത്ത് തകര്ത്തുവെന്ന ബിജെപിയുടെ പരാതിയിലാണ് പൊലീസ് ഇയാളെ അറസ്റ്റ് ചെയ്തത്. വോട്ടെടുപ്പ് ദിവസമായ ഇന്നലെയായിരുന്നു ബിജെപി പ്രവര്ത്തുകര്ക്കു നേരെ സിപിഎം ആക്രമണം നടത്തിയത്. സ്ഥലത്ത് മൂന്നു പ്രാവശ്യം സിപിഎം ഭീകരാന്തരീക്ഷം സൃഷ്ടിച്ചിരുന്നു.
ബിജെപി പ്രവര്ത്തകന്റെ തല അടിച്ചപൊട്ടിച്ചതിനൊപ്പം സ്ത്രീകള്ക്കും കുട്ടികള്ക്കുമെതിരെയും സിപിഎം അക്രമം അഴിച്ചുവിട്ടു. പെണ്കുട്ടിയുടെ കൈ കത്തികൊണ്ട് വരയുകയും കാറു തകര്ക്കുകയും ചെയ്തു. സംഭമറിഞ്ഞ് സ്ഥലത്ത് എത്തിയ എന്ഡിഎ സ്ഥാനാര്ഥി ശോഭാ സുരേന്ദ്രന് അക്രമികള്ക്കെതിരെ നടപടി ആവശ്യപ്പെട്ട് പരിക്കേറ്റവര്ക്കൊപ്പം ഒരു മണിക്കൂറോളം റോഡില് കുത്തിയിരുന്നതിനെ തുടര്ന്നാണ് തെരഞ്ഞെടുപ്പ് കമ്മിഷന് വിഷയത്തില് ഇടപെട്ടത്.
