തിരുവനന്തപുരം: സഭാ തര്ക്കം പരിഹരിക്കാനുള്ള ബിജെപിയുടെ നിലപാട് സ്വഗതാര്ഹമാണ്. സഭയോട് അനീതി കാണിച്ചത് ആരാണെന്ന് വിശ്വാസികള്ക്ക് അറിയാമെന്ന് ഓര്ത്ത്ഡോക്സ് സഭ വൈദിക ട്രസ്റ്റി ഫാദര് എം.ഒ. ജോണ്. യാക്കോബായ- ഓര്ത്ത്ഡോക്സ് സഭ തര്ക്ക വിഷയത്തില് സംസാരിക്കവേയാണ് സര്ക്കാരിനെ ഇത്തരത്തില് രൂക്ഷമായി വിമര്ശിച്ചത്.
നിയമസഭാ തെരഞ്ഞെടുപ്പ് കാലത്ത് കോടതിയില് നിന്ന് തിരിച്ചടി ഉണ്ടാകുമെന്ന് അറിയാവുന്നതിനാലാണ് സഭാ തര്ക്കത്തില് സര്ക്കാര് നിയമനിര്മാണം നടത്താത്തത്. സംസ്ഥാന സര്ക്കാരിന്റെ ഈ നിലപാടിനെതിരെ വിശ്വാസികള് യുക്തമായ തരത്തില് തെരഞ്ഞെടുപ്പിലൂടെ പ്രതികരിക്കുമെന്നും ഓര്ത്ത്ഡോക്സ് സഭ സ്വകാര്യ മാധ്യമത്തോട് പ്രതികരിച്ചു.
യാക്കോബായ- ഓര്ത്ത്ഡോക്സ്് വിഭാഗത്തിനുള്ള പ്രശ്നങ്ങള് പരിഹരിക്കാന് ബിജെപി സ്വീകരിക്കുന്ന നിലപാടുകള് സ്വാഗതാര്ഹമാണ്. പത്തനംതിട്ടയിലടക്കം ഒരു ജില്ലയിലും സഭയ്ക്ക് സ്ഥാനാര്ത്ഥികളില്ലെന്നും എം.ഒ. ജോണ് കൂട്ടിച്ചേര്ത്തു.
