ചെന്നൈ : താന് ബിജെപിയില് ചേര്ന്നത് തെരഞ്ഞെടുപ്പില് മത്സരിക്കുന്നതിനുള്ള സീറ്റിന് വേണ്ടിയല്ലെന്ന് നടി ഗൗതമി. വിരുദ് നഗര് രാജപാളയത്ത് ഗൗതമി മത്സരിക്കുമെന്ന് ആദ്യം വാര്ത്തകള് പ്രചരിച്ചിരുന്നു. ഇതിനോട് പ്രതികരിക്കുകയായിരുന്നു ഗൗതമി.
തമിഴ്നാട് ബിജെപി ഘടകത്തിന്റെ താര പ്രചാരക കൂടിയാണ് ഗൗതമി. ചെന്നൈയില് ബിജെപി ഏറെ പ്രതീക്ഷ പുലര്ത്തുന്ന ഹാര്ബര് മണ്ഡലത്തിലും അവര് തെരഞ്ഞെടുപ്പ് പ്രചാരണം നടത്തിയിരുന്നു. നടി ഖുശ്ബുവിന് വേണ്ടി താന് പ്രചാരണത്തിന് ഇറങ്ങും. ബിജെപി നേതാവ് ഖുശ്ബുവുമായി അഭിപ്രായ വ്യത്യാസമുണ്ടെന്ന വാര്ത്തകള് തെറ്റാണ്. സംസ്ഥാനത്ത് നിലവില് ബിജെപിക്ക് അനുകൂല സഹചര്യമാണ് ഉള്ളതെന്നും ഗൗതമി പറഞ്ഞു.
അതേസമയം മക്കള് നീതി മയ്യം സ്ഥാപകന് കമല് ഹാസനെതിരെ പ്രചാരണത്തിനിറങ്ങുമെന്നും അവര് പറഞ്ഞു. കമലിന്റെ രാഷ്ട്രീയത്തിന് തമിഴ്നാട്ടില് വലിയ ഭാവി ഇല്ലെന്നും ഗൗതമി കൂട്ടിച്ചേര്ത്തു.
