അഹമ്മദാബാദ്: ഗുജറാത്ത് മുന്സിപ്പല്-പഞ്ചായത്ത് തിരഞ്ഞെടുപ്പിലെ വോട്ടെണ്ണല് പുരോഗമിക്കവേ ആദ്യ മണിക്കൂറുകളില് ബിജെപിക്ക് വലിയ മുന്നേറ്റം. ഫെബ്രുവരി 28-ന് നടന്ന തിരഞ്ഞെടുപ്പിന്റെ ആദ്യ ഫല സൂചനകളില് ബിജെപി ബഹുദൂരം മുന്നിലാണ്. 81 നഗരസഭകളിലേക്കും, 31 ജില്ലാ പഞ്ചായത്തുകളിലേക്കും 231 താലൂക്ക് പഞ്ചായത്തുകളിലേക്കുമാണ് തിരഞ്ഞെടുപ്പ് നടന്നത്. ആദ്യ ഫല സൂചനകളനുസരിച്ച് 58 നഗരസഭകളില് ബിജെപി മുന്നേറുന്നുണ്ട്. രണ്ടിടത്ത് മാത്രമാണ് കോണ്ഗ്രസ് ലീഡ് ചെയ്യുന്നത്. ജില്ലാ പഞ്ചായത്തുകളില് ഫലം പുറത്ത് വന്ന 22 ഇടങ്ങളിലും ബിജെപിയാണ് മുന്നേറുന്നത്. കോണ്ഗ്രസ് ഒരിടത്ത് ലീഡ് ചെയ്യുന്നു.
താലൂക്ക് പഞ്ചായത്തുകളില് 58 ഇടങ്ങളിലെ ഫലമാണ് പുറത്ത് വന്നത്. ഇതില് 51 താലൂക്ക് പഞ്ചായത്തുകളില് ബിജെപി മുന്നിലാണ്. ഏഴിടത്ത് കോണ്ഗ്രസും. ഒരാഴ്ച മുമ്പ് ഫലം പ്രഖ്യാപിച്ച ആറ് കോര്പ്പറേഷനുകളിലേക്ക് നടന്ന തിരഞ്ഞെടുപ്പില് ബിജെപി തൂത്തുവാരിയിരുന്നു. 2015-ല് നേടിയ വാര്ഡുകളിലെ പകുതി പോലും കോണ്ഗ്രസിന് നേടാനായിരുന്നില്ല. അരവിന്ദ് കെജ്രിവാളിന്റെ നേതൃത്വത്തിലുള്ള ആം ആദ്മി പാര്ട്ടിയും ചുരുക്കം ചില സീറ്റുകളില് ലീഡ് ചെയ്യുന്നുണ്ട്.
