വടക്കാഞ്ചേരി: ജില്ലാ ആശുപത്രിയില് അക്രമമഴിച്ചു വിട്ട എസ്ഡിപിഐ സംഘം അറസ്റ്റില്. എങ്കക്കാട് മാളത്ത് ഷിഹാബുദ്ദീന് (25), കുമരനെല്ലൂര് പൂവലിക്കോട് മുജീബ് റഹ്മാന് (21) എന്നിവരാണ് പിടിയിലായത്. തലപ്പിള്ളി സബ്ബ് ട്രഷറിയിലെ ജീവനക്കാരനായ എ.എം. റഷീദിനെ ആശുപത്രിയില് ആക്രമിച്ച സംഭവത്തിലാണ് എസ്ഡിപിഐ സംഘത്തിലെ രണ്ട് പേര് പിടിയിലായിരിക്കുന്നത്. കഴിഞ്ഞ ഞായറാഴ്ച രാത്രിയായിരുന്നു സംഭവം.
വാഹനാപകടത്തില് പരിക്കേറ്റ് ജില്ലാ ആശുപത്രിയില് ചികിത്സയിലുള്ള മകനെ കാണാനെത്തിയ റഷീദിനെ ഓമ്നി വാനിലെത്തിയ എസ്ഡിപിഐ പ്രവര്ത്തകര് യാതൊരു പ്രകോപനവുമില്ലാതെ ആക്രമിക്കുകയായിരുന്നുവെന്നാണ് പരാതി. ആക്രമണത്തില് തുടയെല്ല് പൊട്ടിയ റഷീദിനെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ച് അടിയന്തര ശസ്ത്രക്രിയക്ക് വിധേയനാക്കിയിരുന്നു. പ്രതികളെ റിമാന്ഡ് ചെയ്തു.
