പുതുച്ചേരി: ക്യാമറയ്ക്കു മുന്പില് കള്ളംപറഞ്ഞ് പുതുച്ചേരി മുഖ്യമന്ത്രി വി നാരായണസ്വാമി. രാഷ്ട്രീയ പ്രതിസന്ധിക്കിടെ കേന്ദ്രഭരണ പ്രദേശമായ പുതുച്ചേരിയില് രാഹുല് ഗാന്ധി നടത്തിയ സന്ദര്ശനത്തിനിടെ തെറ്റായി പരിഭാഷപ്പെടുത്തിയായിരുന്നു ഇത്. രാഹുല് ഗാന്ധിയുടെ അഭിസംബധോനയ്ക്കുശേഷം ചോദ്യങ്ങള്ക്ക് മറുപടി പറയുമ്പോഴായിരുന്നു സംഭവം. നിവാര് ചുഴലിക്കാറ്റിനുശേഷം മുഖ്യമന്ത്രി എന്തുകൊണ്ട് ഒരുപ്രവാശ്യംപോലും മേഖലയില് എത്തിയില്ലെന്നായിരുന്നു പരിപാടിക്കിടെ മൈക്ക് കയ്യിലെടുത്തുകൊണ്ടുള്ള പ്രദേശവാസിയുടെ ചോദ്യം.
ദുരന്തത്തിനുശേഷം ആരും സഹായിക്കാനില്ലായിരുന്നുവെന്നും സ്ത്രീ പരാതിപ്പെടുന്നത് കേള്ക്കാം. തുടര്ന്ന് പരിഷാഭാഷയ്ക്കായി രാഹുല് ഗാന്ധി മുഖത്തേക്ക് നോക്കിയപ്പോള്, ചുഴലിക്കാറ്റിനുശേഷം താന് പ്രദേശം സന്ദര്ശിച്ചതിനെയും ആളുകള്ക്ക് സഹായം എത്തിച്ചതിനെയും സ്ത്രീ അഭിനന്ദിക്കുകയായിരുന്നുവെന്ന് നാരായണസ്വാമി അദ്ദേഹത്തോട് പറഞ്ഞു.
‘സര്, നിവാര് ചുഴലിക്കാറ്റുണ്ടായപ്പോള്, ഞാന് സ്ഥലം സന്ദര്ശിക്കുകയും ആളുകള്ക്ക് സഹായങ്ങള് നല്കുകയും ചെയ്തു. അക്കാര്യമാണ് അവര് പറയുന്നത്’- നാരായണ സ്വാമി പരിഭാഷപ്പെടുത്തി.
