ചെന്നൈ: രണ്ടാം ടെസ്റ്റില് ഇംഗ്ലണ്ടിനെതിരെ നേടിയ കൂറ്റന് വിജയം ഇന്ത്യക്ക് ലോക ടെസ്റ്റ് ചാമ്പ്യന്ഷിപ്പ് ഫൈനലിലേക്കുള്ള വഴി എളുപ്പമാക്കി. ഈ ജയത്തോടെ ഇന്ത്യ 69.7 ശതമാനം പോയിന്റുമായി ലോക ടെസ്റ്റ് ചാമ്പ്യന്ഷിപ്പില് രണ്ടാം സ്ഥാനത്തേക്ക് ഉയര്ന്നു. ഇന്ത്യക്ക് മൊത്തം 460 പോയിന്റാണുള്ളത്. നേരത്തെ തന്നെ ഫൈനല് ഉറപ്പാക്കിയ ന്യൂസിലന്ഡാണ് ഒന്നാം സ്ഥാനത്ത്. ലോര്ഡ്സില് ജൂണിലാണ് ഫൈനല്.
ചൊപ്പോക്കിലെ ആദ്യ ടെസ്റ്റില് വിജയം നേടിയതോടെ ഒന്നാം സ്ഥാനത്തെത്തിയ ഇംഗ്ലണ്ട് ഇപ്പോള് നാലാം സ്ഥാനത്താണ്. ഇന്ത്യക്കെതിരായ അവസാന രണ്ട് ടെസ്റ്റുകളിലും വിജയിച്ചാലേ ഇംഗ്ലണ്ടിന് ലോക ടെസ്റ്റ് ചാമ്പ്യന്ഷിപ്പിന്റെ ഫൈനലില് കടക്കാനാകൂ. നിലവില് ഓസ്ട്രേലിയയാണ് മൂന്നാം സ്ഥാനത്ത്. അവര്ക്ക് 67.0 ശതമാനം പോയിന്റാണ് അവര്ക്കുള്ളത്. ഒന്നാം സ്ഥാനത്തുള്ള ന്യൂസിലന്ഡിന് 70.0 ശതമാനം പോയിന്റുണ്ട്.
ജന്മഭൂമി ഓണ്ലൈന്