മേടക്കൂറ്: അശ്വതി, ഭരണി, കാര്‍ത്തിക (1/4)
ദീര്‍ഘകാല നിക്ഷേപമെന്ന നിലയില്‍ ഭൂമി വാങ്ങും. സമാന മനസ്‌കരുമായുള്ള സംസര്‍ഗ്ഗത്താല്‍ ആശ്വാസമുണ്ടാകും. മകന്റെ പക്വതയുള്ള സമീപനത്തില്‍ അഭിമാനം തോന്നും. ആര്‍ഭാടങ്ങള്‍ക്കു നിയന്ത്രണമേര്‍പ്പെടുത്തും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
വിട്ടുവീഴ്ചാ മനോഭാവത്താല്‍ കുടുംബത്തില്‍ സമാധാനമുണ്ടാകും. ആശുപത്രി വാസം വേണ്ടിവരും. സ്വന്തം ചുമതലകള്‍ മറ്റുള്ളവരെ ഏല്‍പ്പിക്കരുത്. ജോലിയില്‍ സ്ഥാനക്കയറ്റം ലഭിക്കും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
പാരമ്പര്യ പ്രവൃത്തികളില്‍ നിന്നു സാമ്പത്തിക ലാഭം ലഭിച്ചു തുടങ്ങും. പരസ്പര വിശ്വാസം നഷ്ടപ്പെട്ടതിനാല്‍ കൂട്ടു കച്ചവടത്തില്‍ നിന്നും പിന്മാറും. ആഗ്രഹ സാഫല്യത്തിനായി അശ്രാന്ത പരിശ്രമം വേണ്ടിവരും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
അര്‍ഹമായ പൂര്‍വിക സ്വത്ത് രേഖാമൂലം ലഭിക്കും. ഭക്ഷ്യവിഷബാധയേല്‍ക്കാതെ സൂക്ഷിക്കണം. ഏറ്റെടുത്ത പ്രവൃത്തികള്‍ അശ്രാന്ത പരിശ്രമത്താല്‍ പൂര്‍ത്തീകരിക്കും. അപര്യാപ്തതകള്‍ മനസ്സിലാക്കി ജീവിക്കാന്‍ തയാറായ ജീവിത പങ്കാളിയോട് ആദരവ് തോന്നും.
ചിങ്ങക്കൂറ്: മകം, പൂരം, ഉത്രം (1/4)
ആത്മവിശ്വാസം വര്‍ധിക്കും. അനാവശ്യമായി അന്യരുടെ കാര്യങ്ങളില്‍ ഇടപെടരുത്. അര്‍ഹമായ സ്ഥാനക്കയറ്റം ലഭിക്കാന്‍ നിയമസഹായം തേടും. പ്രലോഭനങ്ങളില്‍ അകപ്പെടരുത്. സാമ്പത്തിക പുരോഗതിയുണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
അന്യരുടെ വിഷമാവസ്ഥകള്‍ക്കു ശാശ്വത പരിഹാരം നിര്‍ദ്ദേശിക്കും. കുടുംബത്തില്‍ സ്വസ്ഥതയും സമാധാനവുമുണ്ടാകും. പ്രവര്‍ത്തന മണ്ഡലങ്ങളില്‍ നിന്നും സാമ്പത്തിക നേട്ടം വര്‍ധിക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
സമര്‍പ്പിച്ച പദ്ധതികള്‍ക്ക് അന്തിമ നിമിഷത്തില്‍ അംഗീകാരം ലഭിക്കും. ആഗ്രഹിക്കുന്ന കാര്യങ്ങള്‍ കഠിന പ്രയത്‌നത്തില്‍ ഏറെക്കുറെ സഫലമാകും. സമൂഹത്തിലെ ഉന്നതരുമായി സൗഹൃദത്തിലേര്‍പ്പെടാന്‍ അവസരമുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
നല്ലതു ചെയ്താലും വിപരീത പ്രതികരണങ്ങള്‍ വന്നു ചേരും. അനാവശ്യ ചിന്തകളും അബദ്ധ ധാരണകളും ഉപേക്ഷിക്കണം. വാഹന ഉപയോഗത്തില്‍ വളരെ ശ്രദ്ധയും സൂക്ഷ്മതയും വേണം.
ധനുക്കൂറ്: മൂലം, പൂരാടം, ഉത്രാടം (1/4)
ആരോഗ്യം തൃപ്തികരമായിരിക്കും. അസൂയാലുക്കളുടെ കുപ്രചാരണങ്ങളാല്‍ മനോവിഷമമുണ്ടാകും. മത്സരങ്ങളില്‍ വിജയിക്കും. പാരമ്പര്യ പ്രവര്‍ത്തികളില്‍ താല്‍പ്പര്യം വര്‍ധിക്കും. പ്രണയബന്ധം സഫലമാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
വിട്ടുവീഴ്ചാ മനോഭാവത്താല്‍ ദാമ്പത്യ ഐക്യം ഉണ്ടാകും. ഏറ്റെടുത്ത പ്രവര്‍ത്തനങ്ങള്‍ തൃപ്തിയാകുംവിധം പൂര്‍ത്തീകരിക്കും. മാന്യമായ സംസാര ശൈലി സര്‍വാദരങ്ങള്‍ക്കും വഴിയൊരുക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
പ്രവര്‍ത്തനശൈലിയില്‍ കാലോചിത മാറ്റങ്ങള്‍ വരുത്താന്‍ തയ്യാറാകും. ദാമ്പത്യ ബന്ധത്തില്‍ അനിഷ്ടങ്ങള്‍ ഉണ്ടാകാതെ സൂക്ഷിക്കണം. ബന്ധുക്കള്‍ തമ്മിലുള്ള തര്‍ക്കത്തില്‍ ഇടപെടരുത്. ക്ഷമിക്കാനും സഹിക്കാനുമുള്ള കഴിവ് സര്‍വാദരങ്ങള്‍ക്കും വഴിയൊരുക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
മാതൃകാപരമായ പ്രവര്‍ത്തനങ്ങള്‍ക്ക് അംഗീകാരം ലഭിക്കും. അശ്രാന്ത പരിശ്രമത്താല്‍ പ്രതിസന്ധികള്‍ തരണം ചെയ്യും. പലപ്പോഴും മേലധികാരിയുടെ പ്രതിനിധിയായി പ്രവര്‍ത്തിക്കാനിടവരും. കടം കൊടുത്ത സംഖ്യ ഏറെക്കുറെ തിരിച്ചുകിട്ടും.
ജന്മഭൂമി ഓണ്‍ലൈന്‍