വാഷിങ്ടണ്: കാലിഫോര്ണിയയില് സ്ഥാപിച്ചിരുന്ന മഹാത്മാ ഗാന്ധിയുടെ വെങ്കല പ്രതിമ തകര്ത്ത സംഭവത്തെ അപലപിച്ച് അമേരിക്ക. ഇത്തരത്തിലുള്ള അക്രമ സംഭവങ്ങളെ ഒരു തരത്തിലും പിന്തുണയ്ക്കില്ല. പ്രതിമ തകര്ത്ത വിഷയത്തില് സൂക്ഷ്മമായി നിരീക്ഷിച്ച് വരികയാണെന്നും വൈറ്റ് ഹൗസ് പ്രസ് സെക്രട്ടറി ജെന് സകി അറിയിച്ചു.
ഡെവിസ് സിറ്റി സെന്ട്രല് പാര്ക്കില് സ്ഥാപിച്ചിരുന്ന 294 കിലോഗ്രാം ഭാരമുള്ള വെങ്കല പ്രതിമയാണ് അടുത്തിടെ തകര്ക്കപ്പെട്ട നിലയില് കണ്ടെത്തിയത്. ഗാന്ധി പ്രതിമയില് ഇളക്കം സംഭവിക്കുകയും അതിന്റെ തലയുടെ ഒരുഭാഗത്തിലും കേടുപാടുകള് വരുത്തിയിട്ടുണ്ട്. കേന്ദ്ര സര്ക്കാരിന്റെ ആഭിമുഖ്യത്തില് നാല് വര്ഷം മുമ്പാണ് പ്രാദേശിക ഭരണകൂടത്തിന്റെ പിന്തുണയോട പ്രതിമകള് സ്ഥാപിച്ചത്.
ഡേവിസ് നഗരത്തില് പ്രതിമ സ്ഥാപിക്കുമ്പോള് ഇതിനെതിരെ ഖാലിസ്താന് പ്രക്ഷോഭകാരികള് പ്രതിഷേധവും സംഘടിപ്പിച്ചിരുന്നു. പ്രതിമ തകര്ത്ത സംഭവത്തെ ഡേവിസ് സിറ്റിയും അപലപിച്ചു. അക്രമസംഭവങ്ങള്ക്ക് പിന്തുണ നല്കില്ല. നിരവധി മൂല്യങ്ങളും വ്യത്യസ്ത കാഴ്ചപ്പാടുകളുമുള്ള സമൂഹമാണെങ്കിലും പരസ്പര ബഹുമാനം ആവശ്യമാണെന്നും ഡേവിസ് സിറ്റി ഇറക്കിയ പ്രസ്താവനയില് പറയുന്നുണ്ട്.
