ന്യൂദല്ഹി : രാജ്യത്തിന്റെ കാത്തിരിപ്പിന് അവസാനമായി രാജ്യത്ത് വാക്സിനെതിരെ കുത്തിതിരിപ്പുമായി കോണ്ഗ്രസ് എംപി. മനീഷ് തിവാരിയാണ് വാക്സിന് സര്ക്കാര് ഉദ്യോഗസ്ഥര് എന്തുകൊണ്ടാണ് വാക്സിന് സ്വീകരിക്കാത്തതെന്ന് സംശയം പ്രകടിപ്പിച്ചത്. എന്നാല് ആശങ്ക പരത്താന് മാത്രമേ കോണ്ഗ്രസ്സിന് താത്പ്പര്യമുള്ളൂവെന്നും മനീഷ് തിവാരിക്ക് ആരോഗ്യമന്ത്രി ഹര്ഷ് വര്ധന് ചുട്ടമറുപടി നല്കി.
കണ്ണുതുറന്ന് നോക്കിയാല് രാജ്യത്തെ പ്രമുഖ ഡോക്ടര്മാരും സര്ക്കാര് ഉദ്യോഗസ്ഥരും വാക്സിന് സ്വീകരിക്കുന്നത് കാണാന് നിങ്ങള്ക്ക് കഴിയും. ഇല്ലാക്കഥകള് പ്രചരിപ്പിക്കാനാണ് കോണ്ഗ്രസ്സിന്റെ ശ്രമമെന്നും ഹര്ഷ് വര്ധന് രൂക്ഷമായി വിമര്ശിച്ചു.
വാക്സിന് വിശ്വസനീയവും സുരക്ഷിതവുമാണെന്ന കാര്യം ചോദ്യം ചെയ്യേണ്ടതല്ല. പക്ഷേ സുരക്ഷിതമാണെങ്കില് പിന്നെ എന്തുകൊണ്ടാണ് സര്ക്കാര് ഉദ്യോഗസ്ഥര് വാക്സിന് സ്വീകരിക്കാന് തയ്യാറാകാത്തത്. മറ്റ് രാജ്യങ്ങളില് എല്ലാം അങ്ങനെയാണല്ലോ പതിവെന്നുമായിരുന്നു മനീഷ് തിവാരിയുടെ പ്രസ്താവന. ഇതോടെ മനീഷ് തിവാരിക്കെതിരെ സമൂഹ മാധ്യമങ്ങളിലും വിമര്ശനം ഉയര്ന്നിട്ടുണ്ട്.
