ചാത്തന്നൂര്: ത്രിതല തെരഞ്ഞെടുപ്പില് യഥാര്ഥ വിജയി ബിജെപിയാണെന്നും പാര്ട്ടിയുടെ നേട്ടത്തെ പുകമറ സൃഷ്ടിച്ച് ഇല്ലാതാക്കാനുള്ള പിആര് വര്ക്കിലാണ് സിപിഎമ്മെന്നും കേന്ദ്ര സഹമന്ത്രി വി. മുരളീധരന്.
ചാത്തന്നൂര് മണ്ഡലത്തിലെ ബിജെപി ജനപ്രതിനിധികളെ അനുമോദിച്ച് കല്ലുവാതുക്കലില് ചേര്ന്ന സമ്മേളനം ഉദ്ഘാടനം ചെയ്യുകയായിരുന്നു കേന്ദ്ര മന്ത്രി. കഴിഞ്ഞ തെരഞ്ഞെടുപ്പില് 25 ശതമാനത്തോളമാണ് ബിജെപി നേടിയ വളര്ച്ച. പക്ഷേ ഇത് ചില മാധ്യമങ്ങള് കണ്ടില്ലെന്ന് നടിച്ചപ്പോള് കല്ലുവാതുക്കല് പഞ്ചായത്തില് പുതിയ ചരിത്രം സൃഷ്ടിച്ച് ബിജെപി അധികാരത്തിലെത്തി. അധികാരം കുടുംബത്തിന് അവകാശപ്പെട്ടതാണെന്ന് ചിലരും പാര്ട്ടിക്ക് അവകാശപ്പെട്ടതാണെന്ന് മറ്റ് ചിലരും ധരിച്ചു വച്ചിരുന്നത് മാറ്റിമറിച്ചത് മോദി സര്ക്കാരാണെന്നും വി.മുരളീധരന് പറഞ്ഞു.
ചാത്തന്നൂര് മണ്ഡലം പ്രസിഡന്റ് എസ്. പ്രശാന്ത് അദ്ധ്യക്ഷത വഹിച്ചു. ജില്ലാ പ്രസിഡന്റ് ബി.ബി. ഗോപകുമാര് മുഖ്യ പ്രഭാഷണം നടത്തി. ജില്ലാ സെക്രട്ടറി പരവൂര് സുനില്, രാജേന്ദ്രന് മാസ്റ്റര്, കിഴക്കനേല സുധാകരന്, മഹിളാ മോര്ച്ച ജില്ലാ പ്രസിഡന്റ് അഡ്വ. ബിറ്റി സുധീര്, കെ.മുരളീധരന്, ഉണ്ണി ശ്രീകുമാര്, എസ്. സുദീപ, സത്യപാലന് തുടങ്ങിയവര് സംസാരിച്ചു.
