മേടക്കൂറ്: അശ്വതി, ഭരണി, കാര്‍ത്തിക (1/4)
വാസസ്ഥാനത്ത് അഭിവൃദ്ധിയുണ്ടാവും. മാനസിക സംഘര്‍ഷങ്ങള്‍ വര്‍ധിക്കും. പങ്കാളിയില്‍നിന്നും നേട്ടങ്ങളുണ്ടാവും. സാമൂഹിക വിജയം കരഗതമാവും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
സര്‍ക്കാര്‍ സംബന്ധമായ ആനുകൂല്യങ്ങള്‍ വര്‍ധിക്കും. കുടുംബ സഹോദര, ബന്ധുക്കളില്‍നിന്നും അസ്വാരസ്യം നേരിടും. ധനാഗമനത്തിനായി നൂതന മാര്‍ഗ്ഗങ്ങള്‍ കണ്ടെത്തും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
തൊഴില്‍ രംഗത്ത് നേട്ടങ്ങള്‍ കൈവരിക്കും. അസൂയാലുക്കളുടെ ശല്യം വര്‍ധിക്കും. ഭക്ഷണ കാര്യങ്ങളിലുള്ള അശ്രദ്ധ മൂലം ആരോഗ്യ പ്രശ്‌നങ്ങളെ നേരിടേണ്ടതായി വരും.
കര്‍ക്കടകക്കൂറ്: പുണര്‍തം(1/4), പൂയം, ആയില്യം
ശത്രു വിജയവും, ജീവിത അഭിവൃദ്ധിയും കൈവരും. ഗൃഹനിര്‍മാണത്തില്‍ ശ്രദ്ധ ചെലുത്തും. പ്രതികൂലമായ ചുറ്റുപാടുകള്‍ അനുകൂലമാവും. ആത്മസംതൃപ്തി നിലനിര്‍ത്തുവാന്‍ സാധിക്കും.
ചിങ്ങക്കൂറ്: മകം, പൂരം, ഉത്രം(1/4)
പ്രതികൂലമായ ചുറ്റുപാടുകള്‍ മനോവിഷമം സൃഷ്ടിക്കും. ചഞ്ചല പ്രവണതകള്‍ ആശയക്കുഴപ്പം സൃഷ്ടിക്കും. ആത്മീയതയിലും, പൗരാണിക മൂല്യങ്ങളിലും ശ്രദ്ധ ചെലുത്തും.
കന്നിക്കൂറ്: ഉത്രം (3/4), അത്തം, ചിത്തിര(1/2)
കമ്മീഷന്‍, ഏജന്‍സികള്‍ എന്നിവയില്‍നിന്നും അധിക വരുമാനം ലഭ്യമാവും. ആത്മവിശ്വാസം വര്‍ധിക്കും. ഊഹ കച്ചവടത്തില്‍ താല്‍പ്പര്യം വര്‍ധിക്കും.
തുലാക്കൂറ്: ചിത്തിര(1/2), ചോതി, വിശാഖം (3/4)
തൊഴില്‍ രംഗത്ത് നേട്ടങ്ങള്‍ വര്‍ധിക്കും. കാര്‍ഷിക കാര്യങ്ങളില്‍ കൂടുതല്‍ ശ്രദ്ധ ചെലുത്തും. സുഹൃത്തുക്കളില്‍നിന്നും ബന്ധുക്കളില്‍നിന്നും നിര്‍ലോഭമായ സഹായം ലഭ്യമാവും.
വൃശ്ചികക്കൂറ്: വിശാഖം(1/4), അനിഴം, തൃക്കേട്ട
കഠിനാദ്ധ്വാനത്തിലൂടെ നഷ്ടമായവ നേടിയെടുക്കും. ബന്ധുഗുണം വര്‍ധിക്കും. അവസരവാദികളായ സഹപ്രവര്‍ത്തകരെ തന്മയത്വമായി നേരിടും. ചെലവുകളില്‍ മിതത്വം പാലിക്കും.
ധനുക്കൂറ്: മൂലം, പൂരാടം, ഉത്രാടം(1/4)
സ്വപ്രയത്‌നത്താല്‍ വലിയ വിജയങ്ങള്‍ സ്വായത്തമാക്കും. പുതിയ സൗഹൃദങ്ങള്‍ വന്നുചേരും. വിവാഹത്തിന് കാലതാമസം നേരിടും. ആത്മവിശ്വാസം വര്‍ധിക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
കലഹപ്രവണതകളില്‍നിന്നും മാറി നടക്കും. പങ്കാളിത്തത്തോടുള്ള പ്രവര്‍ത്തനങ്ങള്‍ വിജയിക്കും. ജനസ്വാധീനം വര്‍ദ്ധിക്കും. യാത്രകള്‍ വിജയം കൈവരിക്കും.
കുംഭക്കൂറ്: അവിട്ടം(1/2), ചതയം, പൂരുരുട്ടാതി(3/4)
ശത്രുവിജയവും ഭൗതികമായ നേട്ടങ്ങളും കൈവരിക്കും. വിദേശയാത്രകള്‍ ഫലവത്താകണമെന്നില്ല. സന്താനത്തിന്റെ ഉയര്‍ച്ചക്കായി ധനം സംഭരിക്കേണ്ടതായി വരും.
മീനക്കൂറ്: പൂരുരുട്ടാതി(1/4), ഉതൃട്ടാതി, രേവതി
സ്വത്ത് സമ്പാദനത്തില്‍ ശ്രദ്ധ ചെലുത്തും. തൊഴില്‍ മേഖലയില്‍ സമ്പത്തും അഭിവൃദ്ധിയും വര്‍ധിക്കും. ബുദ്ധിപൂര്‍വമായ പ്രവര്‍ത്തനത്തിലൂടെ പ്രതിസന്ധികളെ തരണം ചെയ്യും.
ജന്മഭൂമി ഓണ്‍ലൈന്‍