കണ്ണൂര്: സിപിഎം കുത്തകയായ സീറ്റ് പിടിച്ചെടുത്തതിനെ തുടര്ന്ന് കോണ്ഗ്രസ് മെമ്പര്ക്ക് സിപിഎമ്മിന്റെ ക്രൂര മര്ദ്ദനം. കണ്ണൂര് കൂടാളിയില് 47 വര്ഷമായി സിപിഎം കൈയ്യടക്കി വെച്ചിരുന്ന സീറ്റ് പിടിച്ചെടുത്തെന്ന് ആരോപിച്ചാണ് കോണ്ഗ്രസ് പ്രവര്ത്തകരെ മര്ദ്ദിച്ച് അവശനാക്കിയത്.
തദ്ദേശ തെരഞ്ഞെടുപ്പ് ഫലം പുറത്തുവന്നതിന് തൊട്ടുപിന്നാലെയാണ് സംഭവം. മെമ്പറെ മര്ദ്ദിക്കുന്നതിന്റെ വീഡിയോ ദൃശ്യങ്ങളും പുറത്തുവന്നിട്ടുണ്ട്. ഇതേത്തുടര്ന്ന് സംഭവത്തില് സിപിഎം നേതാക്കള്ക്കെതിരെ നടപടിവേണമെന്ന ആവശ്യവും ശക്തമായിട്ടുണ്ട്.
പ്രതികളായ സിപിഎം പ്രവര്ത്തകര്ക്കെതിരെ പോലീസ് ദുര്ബല വകുപ്പ് ചുമത്തി വിട്ടയച്ചെന്ന് മര്ദ്ദനമേറ്റ മെമ്പര് വിമര്ശിച്ചു. അതേസമയം കോണ്ഗ്രസ് പ്രവര്ത്തകരെ മര്ദ്ദിച്ചവര് പാര്ട്ടി പ്രവര്ത്തകര് അല്ല. ഇവര്ക്ക് പാര്ട്ടിയുമായി ബന്ധമില്ലെന്നുമാണ് സിപിഎം മറുപടി നല്കിയത്.
