തൃശൂര് : മുസ്ലിംലീഗ് തൃശൂര് ജില്ലാ കമ്മിറ്റിക്കെതിരെ രൂക്ഷ വിമര്ശനവുമായി നഗരത്തില് പോസ്റ്ററുകള്. തൃശൂര് ജില്ലാ കമ്മിറ്റി പിരിച്ചുവിടാന് ആവശ്യപ്പെട്ടാണ് നഗരത്തിന്റെ വിവിധ ഭാഗങ്ങളിലായി പോസ്റ്ററുകള് പ്രത്യക്ഷപ്പെട്ടിരിക്കുന്നത്. ജില്ലാ കമ്മറ്റിയെ പിരിച്ചുവിടൂ… കൊച്ചിയെ രക്ഷിക്കൂവെന്നാണ് പോസ്റ്ററുകളിലെ ആവശ്യം.
ഇതോടെ മുസ്ലിം ലീഗ് ജില്ലാ വിഭാഗത്തിനുള്ളില് നിലനിന്നിരുന്ന പ്രശ്നങ്ങള് ഇതോടെ മറനീക്കി പുറത്തുവന്നിരിക്കുകയാണ്. ജില്ലയില് ലീഗ് ആകെ മത്സരിച്ച 140 സീറ്റില് 20 ഇടങ്ങളില് മാത്രമാണ് ജയിച്ചത്. ഇതുമായി ബന്ധപ്പെട്ടും നേതൃത്വത്തിനെതിരെ പ്രവര്ത്തകര്ക്കിടയില് നിന്നും വിമര്ശനങ്ങള് ഉയര്ന്നിരുന്നു. സിറ്റിങ് സീറ്റ് പോലും തദ്ദേശ തെരഞ്ഞെടുപ്പില് നഷ്ടപ്പെട്ടു. നേതൃത്വത്തെ മാറ്റാനും പോസ്റ്ററുകളില് ആവശ്യപ്പെട്ടിട്ടുണ്ട്.
അതേസമയം സംസ്ഥാന ജനറല് സെക്രട്ടറി കെപിഎ മജീദ് ഇന്ന് തൃശ്ശൂരില് ലീഗ് ജില്ലാ പ്രതിനിധികള്ക്ക് സ്വീകരണം നല്കാന് എത്തുന്നുണ്ട്. അതിന് മുന്നോടിയായാണ് പോസ്റ്റര് ഒരു വിഭാഗം നഗരത്തില് വിവിധ ഇടങ്ങളില് പതിച്ചിരിക്കുന്നത്.
