ജോജു ജോര്ജ്ജ്, നിരഞ്ജ് രാജു,അജു വര്ഗ്ഗീസ് എന്നിവരെ പ്രധാന കഥാപാത്രങ്ങളാക്കി അഖില് മാരാര് തിരക്കഥയെഴുതി സംവിധാനം ചെയ്യുന്ന ‘ഒരു താത്വിക അവലോകനം’ എന്ന ചിത്രത്തിന്റെ ഷൂട്ടിങ് പാലക്കാട് ആരംഭിച്ചു.
രാഷ്ട്രീയ ആക്ഷേപ ഹാസ്യത്തിന് പ്രാധാന്യം നല്കി ഒരുക്കുന്ന ചിത്രമാണ് ഇത്. നിര്മ്മാതാവ് ഡോക്ടര് ഗീവര്ഗ്ഗീസ് യോഹന്നാന് സ്വിച്ചോണ് കര്മ്മം നിര്വ്വഹിച്ചു. അനുഷ് ആദ്യ ക്ലാപ്പടിച്ചു.
സലിം കുമാര്, ഷമ്മി തിലകന്, മേജര് രവി,ശ്രീജിത്ത് രവി, ബാലാജി ശര്മ്മ, ജയകൃഷ്ണന്, മാമുക്കോയ, പ്രശാന്ത് അലക്സ്, മന് രാജ്, സജി വെഞ്ഞാറമൂട്, ശൈലജ തുടങ്ങി നിരവധി പ്രമുഖര് ചിത്രത്തില് വേഷമിടുന്നുണ്ട്.
ഛായാഗ്രഹണം വിഷ്ണു നാരായണന്. കൈതപ്രം, മുരുകന് കാട്ടാകട എന്നിവരുടെ വരികള്ക്ക് ഒ.കെ. രവിശങ്കര് സംഗീതം പകരുന്നു.എഡിറ്റിങ്- ലിജോ പോള്, പ്രൊജ്റ്റ് ഡിസൈന്- ബാദുഷ, പ്രൊഡക്ഷന് കണ്ട്രോളര്-എസ്സാ കെ. എസ്തപ്പാന്, കല- ശ്യാം കാര്ത്തികേയന്, മേക്കപ്പ്- ജിത്തു പയ്യന്നൂര്, വസ്ത്രാലങ്കാരം- അരവിന്ദന്, സ്റ്റില്സ്- സേതു, പരസ്യകല- അധിന് ഒല്ലൂര്, ചീഫ് അസോസിയേറ്റ് ഡയറക്ടര്- ബോസ്.
