നഗരസഭയില്‍ ഏറ്റവും കൂടുതല്‍ പോളിങ് മാനന്തവാടിയില്‍

കല്‍പ്പറ്റ: ജില്ലയില്‍ 79.51 ശതമാനം പോളിംഗ് രേഖപ്പെടുത്തി. 625461 വോട്ടര്‍മാരുള്ള  ജില്ലയില്‍ ഇത്തവണ വോട്ട് രേഖപ്പെടുത്തിയത് 245137 പുരുഷന്‍മാരും 252055 സ്ത്രീകളും നാല് ട്രാന്‍സ്‌ജെന്‍ഡേഴ്‌സുമടക്കം 497202 പേരാണ്. മാനന്തവാടി, ബത്തേരി, കല്‍പ്പറ്റ എന്നീ നഗരസഭകളില്‍ ഏറ്റവും കൂടുതല്‍ പോളിങ് രേഖപ്പെടുത്തിയത് മാനന്തവാടി നഗരസഭയിലാണ്. 80.49 ശതമാനമാണ് പോളിംങ്ങ്.  

35731 വോട്ടര്‍മാരുള്ള മാനന്തവാടി നഗരസഭയില്‍ വോട്ടു ചെയതത് 28761 പേരാണ്. ഇതില്‍ 14144 പുരുഷന്‍മാരും 14617 സ്ത്രീകളുമാണ്. ബത്തേരി നഗരസഭയില്‍ 34583 വോട്ടര്‍മാരില്‍ വോട്ടു ചെയ്തത് 27338 പേരാണ്. 79.05 ശതമാനമാണ് പോളിങ്. 13293 പുരുഷ വോട്ടര്‍മാരും 14045 സ്ത്രീ വോട്ടര്‍മാരുമടക്കം 27338 പേരാണ് വോട്ടു ചെയ്തത്. കല്‍പ്പറ്റ നഗരസഭയില്‍ 78.62 ശതമാനമാണ് പോളിങ് രേഖപ്പെടുത്തിയത്. 24249 വോട്ടര്‍മാരുള്ള കല്‍പ്പറ്റ നഗരസഭയില്‍ വോട്ടവകാശം വിനിയോഗിച്ചത് 19064 പേരാണ്.  ഇതില്‍ പുരുഷന്‍മാര്‍ 9276 ഉം 9788 സ്ത്രീകളുമാണ് വോട്ടു ചെയ്തത്. മൂന്ന് നഗരസഭയിലും കൂടി ആകെ പോളിങ് ശതമാനം 79.48 ആണ്. 

23 ഗ്രാമ പഞ്ചായത്തുള്ളതില്‍ ഏറ്റവും കൂടുതല്‍ പോളിങ് രേഖപ്പെടുത്തിയത് കോട്ടത്തറ ഗ്രാമപഞ്ചായത്തിലാണ്, 86.43 ശതമാനം. 72.25 ശതമാനം പോളിങ് രേഖപ്പെടുത്തിയ മുള്ളന്‍കൊല്ലി ഗ്രാമപഞ്ചായത്തിലാണ് ഏറ്റവും കുറവ് പോളിങ്. വെള്ളമുണ്ട ഗ്രാമപഞ്ചായത്ത് 77.80, തിരുനെല്ലി 80.98, തൊണ്ടര്‍നാട് 82.60, എടവക 82.07, തവിഞ്ഞാല്‍ 79.62, നൂല്‍പ്പുഴ 83.33, നെന്‍മേനി 81.40, അമ്പലവയല്‍ 82.24, മീനങ്ങാടി 79.91, വെങ്ങപ്പള്ളി 82.58, വൈത്തിരി 80.02, പൊഴുതന 77.66, തരിയോട് 80.20, മേപ്പാടി 78.48, മൂപ്പൈനാട് 79.21, മുട്ടില്‍ 80.04, പടിഞ്ഞാറത്തറ 77.77, പനമരം, 77.49, കണിയാമ്പറ്റ 78.80, പൂതാടി 77.13, പുല്‍പ്പള്ളി 77.08 എന്നിങ്ങനെയാണ് ജില്ലയിലെ ഗ്രാമപഞ്ചായത്തുകളിലെ പോളിങ് ശതമാനം.

ബ്‌ളോക്ക് പഞ്ചായത്തില്‍ നടന്ന വാശിയേറിയ തെരഞ്ഞെടുപ്പില്‍ 79.5 0% ആണ് പോളിംഗ്. ബത്തേരിയില്‍ ആണ് ഏറ്റവും കൂടുതല്‍ പോളിംഗ് രേഖപ്പെടുത്തിയത്. 81.6 2 ശതമാനം.  ഏറ്റവും കുറവ് പോളിംഗ് രേഖപ്പെടുത്തിയത് പനമരം ബ്ലോക്കില്‍ ആണ്. 76.72 ശതമാനം. മാനന്തവാടിയില്‍ 80.35 ശതമാനവും, കല്‍പ്പറ്റയില്‍ 79. 83 ശതമാനവുമാണ് പോളിംഗ് രേഖപ്പെടുത്തിയത്. ആകെ 112169 വോട്ടര്‍മാരുള്ള ബത്തേരി ബ്ലോക്കില്‍ പോള്‍ ചെയ്തത് 91549 പേരാണ്. ഇതില്‍ 44909 പുരുഷന്മാരും 46631 സ്ത്രീകളുമാണ്. മൂന്ന് ട്രാന്‍സ് ജെന്‍ഡേര്‍സും ഇവിടെ വോട്ട് ചെയ്തു. മാനന്തവാടി ബ്ലോക്കില്‍ ആകെയുള്ള 124802 വോട്ടര്‍മാരില്‍ 100277 പേര്‍ വോട്ട് ചെയ്തു. ഇതില്‍ 49467 പുരുഷന്മാരും 50810 സ്ത്രീകളും ഉള്‍പ്പെടും.കല്‍പ്പറ്റ ബ്ലോക്കില്‍ ആകെ വോട്ടര്‍മാര്‍ 151515. ഇതില്‍ 120956 പേര്‍ സമ്മതിദാനം രേഖപ്പെടുത്തി. 59331 പുരുഷന്മാരും 61624 സ്ത്രീകളും ഒരു ട്രാന്‍സ് ജെന്‍ഡറും  ഇതില്‍ ഉള്‍പ്പെടുന്നു. ഏറ്റവും കുറവ് വോട്ട് പോള്‍ ചെയ്ത പനമരം ബ്ലോക്കില്‍ 142412 വോട്ടര്‍മാരില്‍ 109257 പേര്‍ മാത്രമാണ് വോട്ട് രേഖപ്പെടുത്തിയത്. ഇതില്‍ 54717 പുരുഷന്മാരും 54540 സ്ത്രീകളും ഉള്‍പ്പെടുന്നു.