ന്യൂദല്‍ഹി : കോണ്‍ഗ്രസ് പാര്‍ട്ടിയെ ശക്തിപ്പെടുത്തുന്നതില്‍ അഹമ്മദ് പട്ടേല്‍ വഹിച്ച പങ്ക് എന്നും ഓര്‍മിക്കപ്പെടുമെന്ന് പ്രധാനമന്ത്രി നരേന്ദ്രമോദി. അഹമ്മദ് പട്ടേലിന്റെ മരണത്തെ തുടര്‍ന്ന് അനുശോചനം രേഖപ്പെടുത്തിക്കൊണ്ടുള്ള ട്വിറ്റര്‍ സന്ദേശത്തിലാണ് പ്രധാനമന്ത്രി ഇക്കാര്യം അറിയിച്ചത്.
‘അഹമ്മദ് പട്ടേലിന്റെ വിയോഗത്തില്‍ ഖേദിക്കുന്നു. വര്‍ഷങ്ങളോളം അദ്ദേഹം സമൂഹത്തെ സേവിച്ചു. കോണ്‍ഗ്രസിനെ ശക്തിപ്പെടുത്തുന്നതില്‍ അദ്ദേഹം വഹിച്ച പങ്ക് എന്നും ഓര്‍മ്മിക്കപ്പെടും. അഹമ്മദ് പട്ടേലിന്റെ മകനുമായി ഫോണില്‍ സംസാരിച്ചു. മരണത്തില്‍ അനുശോചനം രേഖപ്പെടുത്തുന്നു. അദ്ദേഹത്തിന്റെ ആത്മാവിന് ശാന്തി ലഭിക്കട്ടെ’ എന്നായിരുന്നു മോദിയുടെ ട്വീറ്റ്.
