വാസ്കോ: ഐഎസ്എല്ലില് നിലവിലെ രണ്ടാംസ്ഥാനക്കാരായ ചെന്നൈയിന് എഫ്സി ഏഴാം സീസണിലെ ആദ്യ പോരാട്ടത്തിന് ഇറങ്ങുന്നു. പോയ തവണ ചെന്നൈയിന് രണ്ടാം സ്ഥാനം നേടിക്കൊടുത്ത കോച്ച് ഓവന് കോയില് പരിശീലിപ്പിക്കുന്ന ജംഷ്ഡ്പൂര് എഫ്സിയാണ് എതിരാളികള്. തിലക് മൈതാന് സ്റ്റേഡിയത്തില് 7.30ന് കളി തുടങ്ങും. സ്റ്റാര് സ്പോര്ട്സില് തത്സമയം കാണാം.
പോയ സീസണില് ചെന്നൈയിനെ ഫൈനലില് എത്തിച്ച പരിശീലകനാണ് കോയില്. സീസണ് കഴിഞ്ഞതോടെ കോയിന് ജംഷഡ്പൂരിലേക്ക് മാറി. കഴിഞ്ഞ സീസണില് ഐഎസ്എല്ലില് ടോപ്പ് സ്കോററായ നെര്ജിസ് വല്സ്കീസിനെയും കോയില് ചെന്നൈയിനില് നിന്ന് ജംഷഡ്പൂരിലേക്ക് കൊണ്ടുപോയി. രണ്ട് സീസണുകളില് ചെന്നൈക്കായി കളിച്ച മിസോ പ്രതിരോധ താരം ലാല്ഡിന്ലിയാന റെന്ത്ത്ലീയും ജംഷഡ്പൂര് എഫ്സിയിലുണ്ട്.
സാബ ലാസ്ലോയാണ് ചെന്നൈയിന്റെ പുതിയ പരിശീലകന്. സ്ലോവാക്യന് ഫോര്വേഡ് ജാക്കുബ് സില്വെസ്റ്റര്, ബോസ്നിയിന് പ്രതിരോധ താരം എനെസ് സിപ്പോവിക് എന്നിവരാണ് ചെന്നൈയിന്റെ കരുത്ത്.
