ഇടുക്കി: ജില്ലാ ശിശുക്ഷേമസമിതിയുടെ ആഭിമുഖ്യത്തില് നടന്ന ശിശുദിനാഘോഷങ്ങളുടെ സമാപന ഓണ്ലൈന് സമ്മേളനം കുട്ടികളുടെ പ്രധാനമന്ത്രി (ശാന്തിഗ്രാം ജിഎച്ച്എസ്) ഉദ്ഘാടനം ചെയ്തു. ജില്ലാ കളക്ടര് എച്ച്. ദിനേശന് ശിശുദിനസന്ദേശം നല്കി, 2020ലെ സ്റ്റാമ്പ് പ്രകാശനം നടത്തി. അതിജീവനത്തിന്റെ കേരള മാതൃകയാണ് ഈ വര്ഷത്തെ സന്ദേശം.
ജൂവല് ജോജോ (ശാന്തിഗ്രാം ജിഎച്ച്എസ്) അദ്ധ്യക്ഷയായി. പ്രസംഗമത്സര വിജയികളായ ആര്യ ശശി (എല്പിഎസ് കൊള്ളിമല), എത്സ മരിയ തോമസ് (പെരുമ്പിള്ളിച്ചിറ യുപിഎസ്.), ഷാരോണ് ബൈജു (ശാന്തിഗ്രാം ജിഎച്ച്എസ്), ജോസഫ് ജോയ് (പഞ്ചായത്ത് യുപിഎസ് നെടുങ്കണ്ടം) തുടങ്ങിയവര് സംസാരിച്ചു. സമിതി ജില്ലാ സെക്രട്ടറി കെ.ആര്. ജനാര്ദ്ദനന് മത്സരവിജയികളെ പ്രഖ്യാപിച്ചു. ജില്ലാ കളക്ടര് സമ്മാനവിതരണം നടത്തി.
