ന്യൂഡല്ഹി: രാജ്യത്തിന് ദീപാവലി ആശംസകള് നേര്ന്ന് പ്രധാനമന്ത്രി നരേന്ദ്രമോദി. എല്ലാവര്ക്കും സന്തോഷകരമായ ദീപാവലി ആശംസിക്കുന്നുവെന്ന് പ്രധാനമന്ത്രി ട്വിറ്ററില് കുറിച്ചു. ഈ ഉത്സവം കൂടുതല് ശോഭയും സന്തോഷവും നല്കട്ടെ. എല്ലാവര്ക്കും സമൃദ്ധിയും ആരോഗ്യവും ഉണ്ടാകട്ടെയെന്നും അദ്ദേഹം ആശംസിച്ചു.
രാജ്യത്തെ കാക്കുന്ന സൈനികര്ക്ക് കൃതജ്ഞത അറിയിച്ച് ദീപം തെളിയിക്കണമെന്ന് മോദി വെള്ളിയാഴ്ച ആവശ്യപ്പെട്ടിരുന്നു. രാജ്യത്തെ നിര്ഭയം സംരക്ഷിക്കുന്ന സൈനികര്ക്ക് അഭിവാദ്യം അര്പ്പിച്ച് ഈ ദീപാവലിക്ക് ഒരു ദീപം തെളിക്കാമെന്നായിരുന്നു പ്രധാനമന്ത്രിയുടെ ആഹ്വാനം. മാതൃകാപരമായ ധൈര്യം കാണിക്കുന്ന സൈനികര്ക്കുള്ള നന്ദി വാക്കുകള്കൊണ്ട് പ്രകടിപ്പിക്കാനാകില്ല.
അതിര്ത്തിയിലുള്ള സൈനികരുടെ കുടുംബങ്ങളോടും നാം കടപ്പെട്ടിരിക്കുന്നുവെന്നും അദ്ദേഹം ട്വീറ്റ് ചെയ്തിരുന്നു. മുന്വര്ഷങ്ങളിലെ പോലെ ഇത്തവണയും സൈനികര്ക്കൊപ്പമായിരിക്കും പ്രധാനമന്ത്രിയുടെ ദീപാവലി ആഘോഷം എന്നാണ് റിപ്പോര്ട്ടുകള്.
