തിരുവനന്തപുരം: കോര്പ്പറേഷന് ഭരണം പിടിക്കാന് കച്ചമുറുക്കി ബിജെപി. തെരഞ്ഞെടുപ്പ് പ്രചരണം മുന്നില് നിന്ന് നയിക്കാന് ബിജെപി ജില്ലാ അധ്യക്ഷനായ വിവി രാജേഷും മത്സരരംഗത്തിറങ്ങും. സംസ്ഥാന പ്രസിഡന്റ് കെ.സുരേന്ദ്രനാണ് പൂജപ്പുര വാര്ഡില് രാജേഷിന്റെ പേര് പ്രഖ്യാപിച്ചത്. തിരുവനന്തപുരം നഗരത്തെ ലോകോത്തര നഗരമാക്കി മാറ്റാന് അഖിലേന്ത്യാ നേതൃത്വത്തോട് അഭ്യര്ത്ഥിച്ചതായും കേന്ദ്ര സര്ക്കാര് അനുകൂലമായ നിലപാട് സ്വീകരിക്കുമെന്ന് ഉറപ്പ് നല്കിയതായും കെ.സുരേന്ദ്രന് പറഞ്ഞു.
കാലാകാലങ്ങളായി നഗരസഭ ഭരിച്ചവര് സങ്കുചിത രാഷ്ട്രീയ താത്പര്യത്തിന് വേണ്ടി തിരുവനന്തപുരത്തിന്റെ വികസനത്തിന് തുരങ്കം വെക്കുകയായിരുന്നെന്ന് വി.വി രാജേഷ് പറഞ്ഞു. തലസ്ഥാനത്തിന്റെ വികസന സ്വപ്നങ്ങള്ക്ക് ചിറക് നല്കാന് എന്.ഡി.എക്ക് വ്യക്തമായ പദ്ധതിയുണ്ട്. കേന്ദ്രത്തിന്റെ സഹായത്തോടെ അത് നടപ്പിലാക്കുകയും ചെയ്യും. അന്താരാഷ്ട്ര വിമാനത്താവളത്തിന് പാരപണിയുന്നവര്ക്കാണോ വികസനം കൊണ്ടുവരാന് കഴിയുന്നവര്ക്കാണോ വോട്ട് ചെയ്യേണ്ടതെന്ന് തിരുവനന്തപുരത്തെ ജനങ്ങള്ക്കറിയാമെന്നും അദ്ദേഹം പറഞ്ഞു.
