ഹൈദരാബാദ്: കോവിഡ് പോസിറ്റീവ് ആണെന്നത് ടെസ്റ്റിലെ പിഴവാണെന്നും തനിക്ക് രോഗമില്ലെന്നും വ്യക്തമാക്കി നടന് ചിരഞ്ജീവി. കഴിഞ്ഞദിവസമാണു നടന് ചിരഞ്ജീവി കോവിഡ് പോസിറ്റീവാണെന്ന വാര്ത്ത പുറത്തുവന്നത്. അദ്ദേഹം തന്നെ ട്വിറ്ററിലൂടെ ഇക്കാര്യം ആരാധകരെ അറിയിക്കുകയായുന്നു. എന്നാലിപ്പോള് ആര്ടിപിസിആര് ടെസ്റ്റില് സംഭവിച്ച പിഴവ് മൂലമാണ് അങ്ങനെ സംഭവിച്ചതെന്നും, താന് കോവിഡ് നെഗറ്റീവാണെന്നും ചിരഞ്ജീവി ട്വീറ്റ് ചെയ്തിരിക്കുന്നു. മൂന്നു തവണ ഡോക്റ്റര്മാര് ടെസ്റ്റ് ചെയ്തപ്പോഴും നെഗറ്റീവാണെന്ന റിപ്പോര്ട്ടാണ് ലഭിച്ചതെന്നും ചിരഞ്ജീവി ട്വീറ്റില് പറയുന്നു.
ആചാര്യ എന്ന സിനിമയുടെ ചിത്രീകരണത്തിനൊരുങ്ങുമ്പോഴാണ് ചിരഞ്ജീവി കോവിഡ് ടെസ്റ്റ് ചെയ്തത്. അതില് പോസ്റ്റീവാണെന്നു സ്ഥിരീകരിക്കുകയായിരുന്നു. തന്നോട് സമ്പര്ക്കം പുലര്ത്തിയവര് ശ്രദ്ധിക്കണമെന്നും ചിരഞ്ജീവി ആവശ്യപ്പെട്ടിരുന്നു. എന്തായാലും അധികംവൈകാതെ തന്നെ സിനിമയുടെ ഷൂട്ടിങ്ങില് പങ്കുചേരാന് ഒരുങ്ങുകയാണ് ചിരഞ്ജീവി.
