തിരുവനന്തപുരം: ഇടതു സര്ക്കാരിനുമെതിരായ ജനങ്ങളുടെ പ്രതിഷേധം തദ്ദേശ തെരെഞ്ഞെടുപ്പില് പ്രതിഫലിക്കുമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ദേശവിരുദ്ധ ശക്തികള്ക്ക് മുഖ്യമന്ത്രിയും സര്ക്കാരും കേരളത്തില് താവളമൊരുക്കി. ജലീല് അല്ലാതെ രണ്ട് മാന്ത്രിമാര് കൂടി സ്വര്ണ്ണക്കടത്തിന് കൂട്ടുനിന്നിട്ടുണ്ടെന്നും സുരേന്ദ്രന് പറഞ്ഞു.
സ്വര്ണ്ണക്കടത്ത് സംഘത്തിന് എല്ലാ സഹായവും ലഭിച്ചത് മുഖ്യമന്ത്രിയുടെ ഓഫീസില് നിന്നാണെന്ന് ഇഡി കോടതിയില് റിപ്പോര്ട്ട് നല്കി കഴിഞ്ഞു. പാര്ട്ടി നിയമിച്ച അഡീഷണല് സെക്രട്ടറി സി.എം രവീന്ദ്രനും മുഖ്യമന്ത്രിയുടെ പൊളിറ്റിക്കല് സെക്രട്ടറിക്കും സ്വര്ണ്ണക്കടത്ത് കേസില് ബന്ധമുണ്ടെങ്കില് മുഖ്യമന്ത്രിക്കും ബന്ധമുണ്ടാകുമെന്നുറപ്പാണ്. സംസ്ഥാന സര്ക്കാരിന്റെയും പാര്ട്ടിയുടേയും എല്ലാ ഇടപാടുകളും രഹസ്യങ്ങളും ഇരുവര്ക്കും അറിയാം. അല്പമെങ്കിലും ധാര്മ്മികതയുണ്ടെങ്കില് മുഖ്യമന്ത്രി തെരെഞ്ഞെടുപ്പിന് മുമ്പ് രാജിവെക്കണമെന്നും സുരേന്ദ്രന് ആവശ്യപ്പെട്ടു.
ഊരാളുങ്കല് ലേബര് സൊസൈറ്റിയുമായി ബന്ധപ്പെട്ട് 4,000 കോടിയുടെ അഴിമതിയാണ് നടന്നിരിക്കുന്നത്. മലബാറില് നോട്ട് നിരോധന സമയത്ത് ആയിരക്കണക്കിന് കോടിയുടെ ബിനാമി ഇടപാടുകള് നടന്നു. ഇതെല്ലാം രവീന്ദ്രന് അറിയാവുന്നത് കൊണ്ട് അദ്ദേഹത്തിന്റെ ജീവന് ഭീഷണിയുണ്ടെന്നും സുരേന്ദ്രന് ആവര്ത്തിച്ചു.
