വാഷിംഗ്ടൺ: എന്തു സംഭവിച്ചാലും ഡൊണാള്‍ഡ് ട്രംപ് തന്നെ വീണ്ടും അമേരിക്കയുടെ പ്രസിഡന്റ് ആകുമെന്ന പ്രവചനവുമായി ജ്യോതിഷി. ഗ്രഹനില അടിസ്ഥാനമാക്കിയുള്ള ജ്യോതിഷിയുടെ പ്രവചനം സാമൂഹിക മാദ്ധ്യമങ്ങളില്‍ വൈറലായി.
ലഗ്നത്തില്‍ സിംഹവും പത്താം ഭാവാധിപനായി സൂര്യനും ഉള്ളതിനാല്‍ ട്രംപ് രണ്ടാം തവണയും തിരഞ്ഞെടുപ്പില്‍ വിജയിക്കുമെന്നാണ് ജ്യോതിഷിയുടെ പ്രവചനം. ഇരു സ്ഥാനാര്‍ത്ഥികളും തമ്മില്‍ കടുത്ത മത്സരം നടക്കുമെന്നും ജ്യോതിഷി പ്രവചിക്കുന്നു.
ജ്യോതിഷിയുടെ പ്രവചനം കഴിഞ്ഞ ദിവസം മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്ര ട്വിറ്ററില്‍ പങ്കുവെച്ചിരുന്നു. ട്രംപ് വീണ്ടും തിരഞ്ഞെടുക്കപ്പെട്ടാല്‍ ജ്യോതിഷിയുടെ പ്രശസ്തിയും വര്‍ദ്ധിക്കുമെന്നു മഹീന്ദ്രയും പ്രവചിച്ചു.
