കൊല്ലം: ജീവനക്കാരുടെ അഭാവം കാരണം കൃത്യമായി വിവരാവകാശ അപേക്ഷകര്ക്ക് മറുപടി ലഭിക്കുന്നില്ല. സര്ക്കാരിന്റെ വിവിധ വകുപ്പുകളില് ജീവനക്കാര് കുറവാണെന്ന കാരണം ചില പബ്ലിക് ഇന്ഫര്മേഷന് ഓഫീസര്മാര് അപേക്ഷകരെ അറിയിക്കുന്നുണ്ട്.
വിനോദസഞ്ചാര വകുപ്പ് ഓഫീസില് നിന്നുള്ള വിവരങ്ങള് രണ്ടുമാസമായിട്ടും ലഭിച്ചില്ലെന്ന് വിവരകാശപ്രവര്ത്തകര് ചൂണ്ടിക്കാട്ടുന്നു. ഓഫീസില് നിന്നും ലഭിച്ച അറിയിപ്പില് കോവിഡ് കാരണം മറുപടി ശേഖരിക്കാനുള്ള പ്രയാസങ്ങളാണ് അക്കമിട്ട് പറയുന്നത്. ജീവനക്കാര് മിക്കവാറും കണ്ടൈന്മെന്റ് സോണില് ആണെന്നും ഹാജര് നില പരിമിതമാണെന്നും കോവിഡ് രോഗബാധ വന്ന ജീവനക്കാര് ചികിത്സയിലും ക്വാറന്റൈനിലും കഴിയുകയാണെന്നും അപേക്ഷകരെ അറിയിച്ചിട്ടുണ്ട്. വിവരങ്ങള് നല്കാന് അല്പം കൂടി താമസിക്കുമെന്നും അറിയിപ്പ് ഉള്പ്പെടുന്ന കത്തില് വ്യക്തമാക്കുന്നു.
ബിവറേജ്സ്, ആരോഗ്യവിഭാഗം, വാട്ടര് അതോറിറ്റി, ഗതാഗതവിഭാഗം എന്നീ വകുപ്പുകള് മറുപടി പോലും അപേക്ഷകര്ക്ക് കൊടുക്കുന്നില്ലെന്നും ആക്ഷേപമുണ്ട്.
ജന്മഭൂമി ഓണ്ലൈന്